16 may 2013 19:14
Azərbaycan çempionatında daha bir yenilik!
Topaz Premyer Liqasının mövsümün sonuncu - 32-ci turunun hakim təyinatları açıqlanıb. Azerisport.az xəbər verir ki, final mərhələsində hakim təyinatları adətən gizli saxlanılsa da, son tur demək olar ki, formal xarakter daşıyacağından, Hakimlər Komitəsi bu dəfə ədalət təmsilçilərini gizlətməyə ehtiyac duymayıb.
Qeyd edək ki, Premyer Liqanın 32-ci turunda yenilik tətbiq olacaq. Belə ki, ölkə çempionatında ilk dəfə bir oyunda 6 hakim iş başında olacaq.
Dünya futbolunda tətbiq olunan qapı arxası hakimlər Azərbaycanda ilk dəfə sınaqdan keçiriləcək. Bu ilk “Neftçi” – “Bakı” oyununda tətbiq olunacaq. Bazar günü baş tutacaq matçı Rauf Cabbarov idarə edəcək. Ona Yaşar Abbasovla Namiq Hüseynov yardımçı olacaq. Dördüncü hakim funksiyasını Ömər Paşayev yerinə yetirəcək. Baş hakimin əlavə köməkçiləri isə Fariz Yusifov və Orxan Məmmədov olacaq.
Digər oyunlara gəlincə, “İnter” – “Qəbələ” qarşılaşmasını Əliyar Ağayev, “Qarabağ” – “Simurq” görüşünü Rəhim Həsənov idarə edəcək.
İkinci altılığın AZAL – “Kəpəz” qarşılaşmasında Ramil Əhmədov, “Xəzər Lənkəran” – “Rəvan” görüşündə Vüsal Əliyev, “Turan” – “Sumqayıt” matçında isə Ramil Diniyev fit çalacaq.
Topaz Premyer Liqası
32-ci tur
19 may (bazar)
“Neftçi” – “Bakı”
Hakimlər: Rauf Cabbarov, Yaşar Abbasov, Namiq Hüseynov, Ömər Paşayev
Əlavə köməkçilər: Fariz Yusifov, Orxan Məmmədov
“Bakcell Arena” stadionu, 20:30
“İnter” – “Qəbələ”
Hakimlər: Əliyar Ağayev, Mehman Mahmudov, Vaqif Musayev, Elvin Əsgərov
“Şəfa” stadionu, 16:00
“Qarabağ” – “Simurq”
Hakimlər: Rəhim Həsənov, Coşqun Həsənov, İsgəndər Əliyev, Sərxan İsmayılov
T. Bəhramov adına Respublika stadionu, 18:00
20 may (bazar ertəsi)
AZAL – “Kəpəz”
Hakimlər: Ramil Əhmədov, Mübariz Haşımov, Elşən Acalov, Feyzulla Feyzullayev
“AZAL Arena” stadionu, 18:00
“Xəzər Lənkəran” – “Rəvan”
Hakimlər: Vüsal Əliyev, Ramiz Əsədov, Azər Əsgərov, Tahir Əhmədov
Lənkəran şəhər stadionu, 19:00
“Turan” – “Sumqayıt”
Hakimlər: Ramil Diniyev, Nahid Əliyev, Akif Əmirəli, Ziya Nəsirov
“Dalğa Arena” stadionu, 18:00
