Elias Ribeyro: Qəbələ ilə kubok matçı mövsümün oyunu ola bilər
15 aprel 2014 14:44
“Xəzər Lənkəran”ın futbolçusu Elias Rİbeyro azerisport.az saytına müsahibəsində “Bakı” ilə oyundan, Azərbaycan Kubokunda yarımfinal görüşündən danışıb:
- Premyer Liqanın son görüşündə 2:0 hesabda irəlidə olduğunuz görüşdə qələbə qazana bilmədiniz. Buna səbəb nə oldu?
- Futbolda belə anlar olur. İlk hissədə biz çox yaxşı mübarizə apardıq. Komandamız iki qol vurmaqla, üstünlük qazandı. Fasilədən sonra matçın məcrası dəyişdi. Əsas amil, bəxtsizlik oldu. Əgər şanslarımızı istifadə etsəydik, oyun tam başqa nəticə ilə başa çata bilərdi. Futbolda bəzən, hesabda üstün olan tərəf sonda qələbə qazana bilmir. Biz də eyni aqibəti yaşadıq.
- Yəqin razısan ki, Skarlatakenin qovulması rəqibə kömək oldu...
- 10 futbolçu ilə mübarizəni davam etdirmək bir qədər çətindir. Lakin oyuna görə hamı məsuliyyət daşıyır. Bir futbolçunu günahlandırmaq olmaz. Skarlatake meydanda olduğu zaman uğur qazanmaq üçün çox çalışdı. Azlıqda qaldığımız zaman belə, biz mübarizəni davam etdirdik. İndi bütün fikri kubok matçına yönəltməyimiz vacibdir. Sirr deyil ki, cari mövsüm avrokuboklara vəsiqə qazanmaq üçün Azərbaycan Kubokunda uğurlu çıxış etmək lazımdır.
- “Qəbələ” ilə ilk yarımfinal görüşündə sizi hansı nəticə qane edəcək?
- Son matçda “Qəbələ”ni məğlub etmişik. Lakin həmin oyun çempionat çərçivəsində olub. Son matçın nəticəsi bizi aldatmamalıdır. “Qəbələ” çox yaxşı futbolçulara malikdir. Biz kubokun iki oyundan ibarət olduğunu bilirik. Səfərdə münasib nəticə ilə Lənkərana qayıtmalıyıq. Son nöqtəni Lənkəranda qoymaq olar. Yaxşı olar ki, qol buraxmayaq və ya qollu heç-heçə olsa, pis nəticə olmaz.
- “Qəbələ”nin oyununu necə xarakterizə edərsən?
- Bu komandanın heyətində matçın taleyini həll etməyi bacaran futbolçular var. Əks hücumlarda təhlükəli olurlar. Çempionatda qarşılaşmışıq. Ona görə əminəm ki, onlar da bizim haqda kifayət qədər məlumat toplayıb. Bu oyun digərlərindən vacibliyinə görə fərqlənəcək. Kubokun finalına vəsiqə uğrunda yarış olacaq. Adi səhv, baha başa gələ bilər. Qələbənin əsasını səfərdə qoymalıyıq.
- Rəqibin heyətində Mendi, Subotiç, Kamanan kimi futbolçular var. Onların qarşısını necə alacaqsınız?
- Biz onlardan çəkinmirik. Bizda də Mbilla, Skarlatake və digər futbolçular var. Hər bir komanda bu oyunun taleyini həll edə bilər. “Xəzər Lənkəran” futbolçusu olaraq, yarımfinalın bizim üçün nə qədər vacib olduğunu anlayırıq. Çempionatda iddiamız yoxdur. Bütün gücümüzü kuboka yönəltməliyik. “Qəbələ” ilə matç mövsümün oyunu ola bilər.
- Azərbaycan Kubokunun finalına vəsiqə qazansanız, hansı klubla qarşılaşmaq istərdiniz?
- Biz hələ yarımfinala vəsiqə qazanmamışıq. Ona görə bu barədə danışmaq hələ tezdir. Yarımfinalda mübarizə aparan bütün komandalar güclüdür. Bu mərhələdə zəif olmur. Əgər finala çıxsaq, rəqibin kimliyi o qədər vacib deyil. Əsas, bizim uğurlu çıxış etməyimizdir. Digər yarımfinalda kim qalib gəlsə, deməli, finala çıxmağa layiq komandadır.
- Premyer Liqanın son görüşündə 2:0 hesabda irəlidə olduğunuz görüşdə qələbə qazana bilmədiniz. Buna səbəb nə oldu?
- Futbolda belə anlar olur. İlk hissədə biz çox yaxşı mübarizə apardıq. Komandamız iki qol vurmaqla, üstünlük qazandı. Fasilədən sonra matçın məcrası dəyişdi. Əsas amil, bəxtsizlik oldu. Əgər şanslarımızı istifadə etsəydik, oyun tam başqa nəticə ilə başa çata bilərdi. Futbolda bəzən, hesabda üstün olan tərəf sonda qələbə qazana bilmir. Biz də eyni aqibəti yaşadıq.
- Yəqin razısan ki, Skarlatakenin qovulması rəqibə kömək oldu...
- 10 futbolçu ilə mübarizəni davam etdirmək bir qədər çətindir. Lakin oyuna görə hamı məsuliyyət daşıyır. Bir futbolçunu günahlandırmaq olmaz. Skarlatake meydanda olduğu zaman uğur qazanmaq üçün çox çalışdı. Azlıqda qaldığımız zaman belə, biz mübarizəni davam etdirdik. İndi bütün fikri kubok matçına yönəltməyimiz vacibdir. Sirr deyil ki, cari mövsüm avrokuboklara vəsiqə qazanmaq üçün Azərbaycan Kubokunda uğurlu çıxış etmək lazımdır.
- “Qəbələ” ilə ilk yarımfinal görüşündə sizi hansı nəticə qane edəcək?
- Son matçda “Qəbələ”ni məğlub etmişik. Lakin həmin oyun çempionat çərçivəsində olub. Son matçın nəticəsi bizi aldatmamalıdır. “Qəbələ” çox yaxşı futbolçulara malikdir. Biz kubokun iki oyundan ibarət olduğunu bilirik. Səfərdə münasib nəticə ilə Lənkərana qayıtmalıyıq. Son nöqtəni Lənkəranda qoymaq olar. Yaxşı olar ki, qol buraxmayaq və ya qollu heç-heçə olsa, pis nəticə olmaz.
- “Qəbələ”nin oyununu necə xarakterizə edərsən?
- Bu komandanın heyətində matçın taleyini həll etməyi bacaran futbolçular var. Əks hücumlarda təhlükəli olurlar. Çempionatda qarşılaşmışıq. Ona görə əminəm ki, onlar da bizim haqda kifayət qədər məlumat toplayıb. Bu oyun digərlərindən vacibliyinə görə fərqlənəcək. Kubokun finalına vəsiqə uğrunda yarış olacaq. Adi səhv, baha başa gələ bilər. Qələbənin əsasını səfərdə qoymalıyıq.
- Rəqibin heyətində Mendi, Subotiç, Kamanan kimi futbolçular var. Onların qarşısını necə alacaqsınız?
- Biz onlardan çəkinmirik. Bizda də Mbilla, Skarlatake və digər futbolçular var. Hər bir komanda bu oyunun taleyini həll edə bilər. “Xəzər Lənkəran” futbolçusu olaraq, yarımfinalın bizim üçün nə qədər vacib olduğunu anlayırıq. Çempionatda iddiamız yoxdur. Bütün gücümüzü kuboka yönəltməliyik. “Qəbələ” ilə matç mövsümün oyunu ola bilər.
- Azərbaycan Kubokunun finalına vəsiqə qazansanız, hansı klubla qarşılaşmaq istərdiniz?
- Biz hələ yarımfinala vəsiqə qazanmamışıq. Ona görə bu barədə danışmaq hələ tezdir. Yarımfinalda mübarizə aparan bütün komandalar güclüdür. Bu mərhələdə zəif olmur. Əgər finala çıxsaq, rəqibin kimliyi o qədər vacib deyil. Əsas, bizim uğurlu çıxış etməyimizdir. Digər yarımfinalda kim qalib gəlsə, deməli, finala çıxmağa layiq komandadır.