Oqtay Abdullayev Qarabağın çempionluğunu bu tur təxirə saldı
Bakı - İnter
Güman ki, çox çətin oyun olacaq. Ancaq son vaxtlar "İnter" yüksəlişdədir. "Bakı" da pis oynamır. Ancaq düşünürəm ki, bu görüşdə məhz "bankirlər" qələbə qazanacaqlar.
Simurq - Qarabağ
Bu oyunun nəticəsini təxmin etmək bir qədər çətindir. "Simurq" yaxşı komandadır. Doğma divarlar arxasında isə onların qol buraxacağını düşünmürəm. Mən "Qarabağ"ın qələbəsinə qoyuluş edərdim. Ancaq daha çox heç-heçəyə meylliyəm (bu halda "Qarabağ"ın ölkə çempionluğunu rəsmiləşdirməsi təxirə düşür - qeyd).
Neftçi - Sumqayıt
Məlum olduğu kimi, "Rəvan"a qarşı ölkə Kubokunun yarımfinalı çərçivəsində ilk oyun göstərdi ki, "Neftçi"də aradan qaldırmalı olduğu bəzi çatışmazlıqlar var. Əminəm ki, bu oyundan sonra "neftçilər" bütün səhvlərini nəzərdən keçirəcək və "bunların "Sumqayıt"la oyunda təkrarlanmasının qarşısını alacaqlar. Beləliklə, mən "Neftçi"nin qələbəsini təxmin edirəm.
Rəvan - Qəbələ
Son oyunlar göstərir ki, "Qəbələ" tədricən öz oyununu qaytarmağa başlayıb. "Rəvan"ın isə bütün fikri-zikri yəqin ki, Kubokun cavab görüşündədir. Bu səbəbdən, hesab edirəm ki, "Qəbələ" üç xalı qazanacaq.
Xəzər Lənkəran - AZAL
Tərlan Əhmədovun gəlişi ilə AZAL normal oyun göstərməyə başlayıb. "Xəzər Lənkəran" daha çox ölkə Kubokunun "radarlar"a qarşı cavab oyununu düşünəcək. Təxmin edirəm ki, heç-heçə görəcəyik.
