İvitsa Quberaç: Neftçinin futbolçuları sanki Sloveniyaya səfər edəcəklərini unudurdular
Sloveniyanın "Koper" klubunun futbolçusu İvitsa Quberaçın azerisport.az saytına müsahibəsi
- "Neftçi" ilə cavab oyunundan nə gözləyirsiz?
- Qələbə qazanmalıyıq. Bakıdakı qələbədən sonra "Koper"in tarix yazmaq üçün çox yaxşı şansı var. Bundan sonra belə bir imkanı əldə etməyə də bilərik.
- İlk oyunda zədə almışdınız. İndi özünüzü necə hiss edirsiz?
- İndi bir qədər yaxşıyam. Böyük ehtimalla, oynayacam.
- Sloveniyada da Bakıdakı kimi müdafiədən oynayacaqsız?
- Mənə elə gəlir ki, bizi pis analiz etmisiz. Biz müdafiədə oturmuruq, əks-hücum futbolu oynayırıq. "Neftçi" bizə ciddi yanaşmadı. Buna görə də ilk oyunda uduzdu. Biz isə hamıya göstərdik ki, "Koper" daha güclüdü.
- Yəni siz öncədən "Neftçi"yə səfərdə iki qol vurmağı planlaşdırmışdız?
- Ən azı bir qol vurmaq istəyirdik. İki qol təbii ki, daha yaxşı oldu.
- İlk oyunda futbolçular arasında münaqişə yarandı...
- Hə, çünki "Neftçi"nin futbolçuları çox kobud oynayırdılar. Sanki Sloveniyaya səfər edəcəklərini unudurdular.
- Nəyə işarə edirsiz ki?
- Heç nəyə. Sadəcə demək istəyirəm ki, belə kobud oynamağa ehtiyac yox idi.
