Neftçi rəqibindən öndə, Qarabağ geridədi
UEFA-nın klublar üçün yeni reytinq cədvəli açıqlanıb. Azerisport.az xəbər verir ki, siyahıda yeddi Azərbaycan klubu var.
Onların arasında ən yaxşı göstərici vaxtilə Avropa Liqasının qrup mərhələsində çıxış etmiş "Neftçi"dədi. Bu komanda 8,075 xalla 454 Avropa təmsilçisi arasında 181-ci sırada qərarlaşıb.
"Qarabağ" 7,575 xalla 192-ci pillədədi. "İnter" təmsilçilərimiz arasında üçüncüdü - 4,575 xalla 271-ci.
Digər təmsilçilərimizə gəlincə, "Xəzər Lənkəran" 3,825 xalla 300-cü, "Bakı" 2,825 xalla 351-ci, "Qəbələ" və AZAL eyni xalla (2,325) xalla 381-cidi.
"Qarabağ"ın UEFA Çempionlar Liqasının üçüncü təsnifat mərhələsindəki rəqibi - Avstriya "Zalsburq"u 32.910 xalla 54-cüdü. "Neftçi"nin Avropa Liqasının üçüncü təsnifat mərhələsindəki rəqibi - Gürcüstan "Çixura"sı isə 3.350 xalla 320-cidi.
Qeyd edək ki, Azərbaycan UEFA reytinqində hazırda 54 ölkə arasında 10.375 xalla 30-cu pillədə qərarlaşıb.