"Qarabağ ev oyunlarında çox təhlükəlidi"
Fransanın məşhur France 24 kanalı Avropa Liqasının qrup mərhələsində keçiriləcək "Qarabağ" - "Sent-Etyen" görüşüylə bağlı reportaj hazırlayıb. Azerisport.az xəbər verir ki, süjetdə "Qarabağ" klubunun son illər inkişafda olması və ilk dəfə Avropa Liqasına vəsiqə qazandığı barədə məlumat verilib.
"Qarabağ klubu Fransa azarkeşlərinə tanış deyil. Amma bir neçə gün sonra "Sent-Etyen" bu klubun qonağı olacaq. Son illər Azərbaycanda bu kluba sevgi çoxdu. Ev oyunlarında stadionlarda anşlaq olur. Bu kluba inam və sevgi həm də adla bağlıdı. "Qarabağ" Ağdamı təmsil edir, indi bu torpaqlarda oyunlar keçirmək mümkün deyil. Ona görə "Qarabağ" oyunları paytaxt Bakıda keçirir. Azərbaycan deyəndə həm də "Lans" klubu yada düşür. Bu klubun azərbaycanlı sahibi Hafiz Məmmədov maliyyə dəstəyi göstərdikdən sonra klub yüksək dəstəyə vəsiqə qazandı.
Azərbaycanda futbol çox sevilir. Amma uğurlar azdı. Ən böyük uğurlar güləş, cüdo və şahmatdadı. Bununla belə insanların çoxu məhz futbolla yaşayır. Hər bir klubun güclü sponsorları var. Bu sponsorlar ölkədə fəaliyyət göstərən şirkətlərdən seçilib. Son ölkə çempionu "Qarabağ" Avropa Liqasında qrupa vəsiqə qazanmaqla azarkeşlərinə böyük hədiyyə etdi. Ev oyunlarında "Valetta", "Zalsburq" kimi komandaları məğlub edən "Qarabağ" "Tvente" ilə 0:0 oynadı. Komandanın güclü azarkeş dəstəyinə malik olması futbolçuları daha da motivasiya edir. Təsəvvür edin, azarkeşlər oyun ərzində dayanmadan komandaya sevgisini bildirir.
"Sent-Etyen"lə oyuna gəldikdə "Qarabağ"dan fərqli olaraq bizim təmsilçi pley-offda yarışmaq istəyir. Ona görə səfərdə qələbə qazanmaq vacibdi. Amma bu rəqiblə səfərdə uğur əldə etmək asan olmayacaq. Azərbaycan çempionu ev oyunlarında təhlükəlidi. Debütant olduğu üçün ehtiyatlı olmaq gərəkdi. Komandanın əsas qol silahı Reynaldodu. Braziliyalı 2 il əvvəl transfer olunub. Bu il əksər oyunlarda qol vuran sambaçı sürəti hesabına rəqibə problem yaradır.
Komandada azərbaycanlı futbolçular azlıq təşkil edir. Çünki, ölkə futbolu yalnız son illərdə inkişafa qədəm qoydu. Böyük yatırımlar olsa da, ölkənin Avropa səviyyəli futbolçuları yoxdu. Azərbaycan millisinin bir neçə futbolçusu da "Qarabağ"ın şərəfini qoruyur. Komanda adətən hesabda geri düşəndə belə təslim olmur.
Paytaxt Bakı son illər çox dəyişib. Şəhərdə gözəl tikililər, tarixi binaları görmək mümkündü. Bakıda həm də Fransa litseyi fəaliyyət göstərir".
