Ernest Nfor: Hakim belə bir oyunu korladı
"Neftçi"nin hücumçusu Ernest Nforun azerisport.az saytına müsahibəsi
- "Qarabağ"a 1:3 hesabıyla uduzduz. Nə deyə bilərsiz?
- Yaxşı hava, xeyli azarkeş vardı. Meydan da yaxşı idi, bol qollu oyun alındı. Hər şey yaxşı idi, yalnız hakimdən başqa.
- Nədən narazı qalmısız?
- Hakim Ramosa bilərəkdən zərb endirən Reynaldonu meydandan qova bilərdi. Həmçinin bizim qapımıza penalti təyin etməyə bilərdi. Təəssüf ki, hakim belə bir oyunu korladı.
- Sizcə, "Neftçi" qələbəyə layiq idi?
- Fikrimcə, hakim səhvləri olmasaydı, biz nəyə qadir olduğumuz göstərərdik.
- Bu məğlubiyyət komandanın sonrakı oyunlarında mənfi təsirini göstərməyəcək ki?
- Ümid edirəm ki, yox. Bizi üç həftəlik fasilə gözləyir. Lakin təəssüf ki, həmin fasiləyə pis əhval-ruhiyyədə yollanırıq.
- "Neftçi" bu gedişatla çempion ola bilər?
- Bu oyunla yox. Amma kim deyir ki, biz bütün mövsümü belə çıxış edəcəyik. Mövsümün gedişində artıracağıq. Buna heç kim şübhə etməsin. "Neftçi"siz çempionluq mübarizəsi olmaz.
- Kanales hələ də özünü sübut edə bilmir. Son oyunda da fərqlənməklə əsas heyətə daha çox layiq olduğunuzu isbatlamış olduz?
- (gülür) Mən kimisə favorit adlandırmaq istəməzdim. Burada hər şeyə baş məşqçi qərar verir. Meydana daha yaxşı hazır olanlar çıxır.
