Amisulaşvili: Qarabağın Reynaldo və Emeqaradan başqa da yaxşı oyunçuları var
"İnter"in müdafiəçisi Aleksandr Amisulaşvilinin azerisport.az saytına müsahibəsi
- "Qarabağ"la oyundan nə gözləyirsiz?
- Biz meydana həmişə qələbə üçün çıxırıq. Nəyin necə olacağını isə oyunun özü göstərəcək. "Qarabağ" çox güclü rəqibdi, onlar hazırda yaxşı formadadılar.
- Reynaldo ilə Emeqaranı dayandırmaq çətin olmayacaq?
- Onların digər futbolçuları da yaxşıdılar. Bizə sadəcə, öz oyunumuzu sərgiləmək lazımdı. Rəqibə qarşı komanda oyunu sərgiləməklə uğur qazana bilərik, hansısa futbolçuya qarşı fərdi oynamaqla yox.
- Sizcə, Reynaldo deyildiyi qədər güclü futbolçudu?
- Mən ona qarşı bir dəfə oynamışam. Çox güclü futbolçudu. Məncə, o, hər oyunda eyni səviyyədə çıxış edir.
- Üç oyundu qələbə qazana bilmirsiz. "İnter"in nə problemi var?
- Bizdə heç bir problem yoxdu. Sadəcə, qol vura bilmirik. İmkanlar olsa da, son nöqtəni qoya bilmirik.
- "Bakı" üzərindəki 7:0 hesablı qələbədən sonra qələbəyə həsrətsiz. O görüşdən sonra arxayınlaşma yoxdu ki?
- Düşünmürəm. Sadəcə, bəxtimiz gətirmir.
- "Qarabağ"ın Ukrayna "Dnepr"i ilə oyununa baxmısız?
- Bəli. Əgər Bakıda da Kiyevdəki kimi çıxış etsələr, daha bir qələbə qazanacaqlar. "Dnepr" ağdamlıların qapısına heç zərbə də endirə bilmədi.
