Hüseynov: Sxadadze bu hərəkətinə görə cəzasız qalmamalıdı
Topaz Premyer Liqasının 12-ci turu çərçivəsində baş tutan "İnter" - "Xəzər Lənkəran" oyunundan sonra qalmaqal yaşanıb. Azerisport.az xəbər verir ki, qarşılaşma bitən kimi meydan sahiblərinin baş məşqçisi Kaxaber Sxadadze qonaqların ehtiyat oyunçular skamyasına üzünü tutaraq barmağı ilə ədəbsiz jest göstərib.
Buna isə "ağ-yaşıllar"ın idman direktoru Yunis Hüseynov sərt cavab verib. Nəticədə, Sxadadze ilə Hüseynov arasında münaqişə yaranıb. Tərəflər bir-birini təhqir edib. Lakin onların bu davasının daha da böyüməsinə imkan verilməyib.
Yunis Hüseynov hadisə ilə bağlı saytımıza danışıb: "Oyun bitəndən sonra Sxadadze bizə tərəf ədəbsiz jest göstərdi. Bu, artıq hərəkət idi. Onu başa düşə bilmədim. Amma fikrimcə, bu hərəkəti cəzasız qalmamalıdı. Kaxa buna görə cavab verməlidi".