Millimiz FİFA reytinqində geriləməyə davam edir
Futbol üzrə Azərbaycan yığması FİFA-nın reytinq cədvəlində növbəti geriləmə ilə üzləşib. Azerisport.az xəbər verir ki, noyabr ayı üçün açıqlanan reytinq cədvəlində millimiz 9 pillə geriləmək məcburiyyətində qalıb.
Komandamız hazırda 135-ci pillədə qərarlaşıb. Millimizin hesabında hazırda 215 xal var.
Millimiz reytinq cədvəlində AÇ-2016-nn təsnifat mərhələsinin “H” qrupundakı rəqiblərindən yalnız Maltanı qabaqlayır: İtaliya 11-ci (1064 xal), Xorvatiya 19-cu (946 xal), Bolqarıstan 66-cı (532 xal), Norveç 67-ci (481 xal), Malta 148-ci (166 xal) pillədə qərarlaşıb.
Keçmiş Sovet İttifaqı ölkələrindən reytinq cədvəlində ən yüksək pilləni Ukrayna tutur: 26-cı pillə, 920 xal. Rusiya isə 31-ci (792 xal) pillədə qərarlaşıb. Özbəkistan 74-cü (498 xal), Ermənistan 77-ci (432 xal), Estoniya 83-cü (390 xal), Litva 95-ci (355 xal), Latviya 97-ci (339 xal), Belarus 101-ci (331 xal), Moldova 120-ci (250 xal), Gürcüstan 126-cı (239 xal) sırada yer alıb və millimizi qabaqlayırlar. Tacikistan 215 xalla millimizlə eyni pilləni (135) paylaşır. Qazaxıstan (139, 205), Türkmənistan (148; 166) və Qırğızıstan (153; 146) isə millimizdən alt sıralarda qərarlaşıb.
Türkiyə yığması 604 xalla 48-ci yerdə qərarlaşı.
İlk onluq isə belə sıralanıb:
1. Almaniya - 1725 xal
2. Argentina - 1538
3. Kolumbiya - 1450
4. Belçika - 1417
5. Hollandiya - 1374
6. Braziliya - 1316
7. Portuqaliya - 1160
7. Fransa - 1160
9. İspaniya - 1142
10. Uruqvay – 1135
Ayın ən yaxşı komandası 82 pillə irəliləyən Farer adaları, ən pisi isə Misir və İraq yığmalarıdı - 22 pillə geri.
