Maksim Medvedev: Qəbələ ilə oyunda ilk hissədən sonra nəfəs ala bilmirdik
"Qarabağ"ın müdafiəçisi Maksim Medvedevin azerisport.az saytına müsahibəsi
- "Qəbələ" ilə oyunla bağlı təəssüratlarınızı bilmək istərdik...
- Bizim üçün çox çətin oyun oldu. Rəqib də ağır idi, hava da. Birinci hissədən sonra uşaqlar çox yorulmuşdular, nəfəs ala bilmirdik.
- Rəqib necə təsir bağışladı?
- Onlar çox yaxşı pressinq edirdilər. Xüsisilə də hücumdakı oyunları təəccübləndirdi. Baxmayaraq ki, onlar bizə qeyri-adi nəsə təklif etmirdilər, sadəcə, hücumçularını uzun ötürmələrlə təkbətək çıxarmağa çalışırdılar. Mendi, Hüseynov, Ehiosun və Soltanov birgə çox yaxşı oynayır. "Qəbələ"də döyüşkən ruh hiss olunur. Onları saxlamaq çox çətindir. Bəlkə də qapımıza 3-4 qol vura bilərdilər.
- Heç-heçədən raızısınız?
- Pis nəticə deyil.
- "Qarabağ"ın hakimlikdən narazı olduğu diqqət çəkirdi...
- Olan işdi. Oyun zamanı emosiyaları qorumaq olmur. Çempionluğa bu qədər yaxınkən başqa cür ola da bilməz. Hakimin ən kiçik səhvi böyük önəm daşıya bilər. Hərdən hakimlər özləri də mənə sual verirlər ki, "Maksim, mən səhv etdim, nədir?" Beləsinə nə cavab verəsən?
- Bu oyunda da elə oldu?
- Bəli, top Ekiqoya dəyərək auta çıxır, hakim isə deyir ki, top "Qəbələ"nin olmalıdır. Belə bir neçə epizod oldu. Mendi iki dəfə mənim formamdan tutub dartdı, yenə də xeyrimizə qərar verilmədi.
- Penalti var idi?
- Mənə elə gəlir ki, belə oyunlarda bu cür penalti verilməməlidir. Bizim qapımıza əvvəlki turlarda da belə şübhəli penaltilər təyin olunmuşdu. Şehiç özü də deyir ki, həmin epizodda mən topa toxunmamışdım.