Maruisio Poçettino: Pley-offa çıxsaq da, Monakoda da qələbəyə oynayacağıq
İngiltərənin "Tottenhem" klubunun baş məşqçisi Maurisio Poçettino Avropa Liqasının qrup mərhələsi çərçivəsində "Qarabağ"a qarşı keçirdikləri səfər matçını (1:0) şərh edib. Azerisport.az xəbər verir ki, argentinalı mütəxəssis matçdan sonrakı mətbuat konfransında bunları dilə gətirib:
"Çətin oyun oldu. Komandamızdan razıyam. Rəqibimiz evdə ilk dəfə uduzur. Pley-offa çıxdığımız üçün şadıq. Amma bu oyun bizdən çox güc aldı. Qarşıda isə bizi "Çelsi" ilə ağır oyun gözləyir. Tibbi personal futbolçuların tam bərpa keçməsi üçün əlindən gələni edəcək. Qrupdakı son oyunumuzu Monakoda keçirəcəyik. Qrupdan çıxmağı təmin etsək də, həmin görüşdə qələbəyə oynayacağq. "Qarabağ" üçün də son turun nəticələri böyük önəm kəsb edəcək".
Poçettino "Qarabağ"ın futbolçusu yerdə qalarkən komandasının üzvlərinin topu meydandan çıxarmamasını belə şərh edib: "Öncə topu meydandan çıxarmaq mümkünsüz idi. Hakim oyunu dayandırmalıdır. Mən elə vəziyyət yaranmasına görə təəssüflənirəm".
"Bakı xoşumuza gəldi. Biz xoş mənada təəccübləndik. Azarkeşlər də xoşuma gəldi. Onlar komandalarını yaxşı dəstəklədilər".
