Andrey Popoviç: Hakim qapımıza penalti təyin etsəydi, heç nə deməzdim
7 dekabr 2015 16:30
"Qəbələ"nin qapıçısı Andrey Popoviç Topaz Premyer Liqasının 15-ci turu çərçivəsində "Xəzər Lənkəran"a qarşı keçirdikləri oyunda mübahisəli penalti epizodlarına münasibət bildirib. Azerisport.az saytına açıqlamasında o, bunları söyləyib:
"Arif Daşdəmirovun topu əllə uzaqlaşdırdığı bildirilir. Həmin epizodda onun arxasında idim. Təkrara baxanda elə görünür. Amma məncə, o, əlini bədəninə sıxmışdı. Yəni bunu qəsdən etmədiyi hiss olunur. Digər epizodda isə "Xəzər Lənkəran"ın futbolçusunun iki oyunçumuz tərəfindən dayandırıldığı görünür. Həmin epizodda penalti təyin oluna da bilərdi, olunmaya da. İstənilən halda hakim 11 metrlik nöqtəni göstərmədi. Amma hakim penalti təyin etsəydi, ona heç bir söz deməzdim".