Jayro: Rəşad Sadıqovdan daha gözələm
"Neftçi"nin müdafiəçisi Jayro Azərbaycan Kubokunun yarımfinal mərhələsi çərçivəsində "Qəbələ"yə qarşı keçirdikləri ilk oyundan (1:1) sonra azerisport.az saytının suallarını cavablandırıb.
- Matçla bağlı nə deyə bilərsiniz?
- Çətin oyun alındı. "Qəbələ" güclü komandadır. Bundan sonra necə olacağını bilmirik. Amma biz vəziyyəti düzəltməyə çalışacağıq.
- İlk dəfə deyil ki, "Neftçi" yalnız fasilədən sonra fəallaşmağa başlayır. Bu, nə ilə bağlıdır?
- Bu hansısa taktika deyil. Sadəcə, biz hesabda geridə idik və buraxılan qolunu əvəzini çıxmalı idim.
- Hakimlikdən razı qaldınız?
- Narazılığım yoxdur. Necə hakimlik etmək lazım olduğunu onlar daha yaxş bilirlər.
- Amma "Qəbələ"nin oyunçuları narazı idilər...
- Bu artıq mənim işim deyil. Mən "Neftçi"nin futbolçusuyam. Mənim işim futbol oynamaqdır.
- Aleksey Qayın epizodunda penalti var idi?
- Orada hakimin səhvə yol verdiyini düşünmürəm. "Qəbələ" düşüməsin ki, bizə asanlıqla qalib gələ bilər. Biz güclüyük. Onlar bunu bilməlidirlər.
- Amma bu gün sizin aşkar şəkildə bəxtiniz gətirdi. Razısınız?
- Bərabər oyun oldu. Düşünmürəm ki, burada bəxtin hansısa rolu oldu. Hər şey ədalətli oldu.
- Sizə heç deyən olub ki, xarici görünüşcə "Qarabağ"ın kapitanı Rəşad Sadıqova bənzəyirsiniz?
- Bəli. Klubda bunu mənə deyənlər olub. Amma hesab edirəm ki, mən ondan gözələm.