Tahir Gözəl: Qarabağa yeni transferlər etməyə hazırıq
"Qarabağ"ın prezidenti Tahir Gözəl Azərbaycan Kubokunun yarımfinal mərhələsi çərçivəsində "İnter"ə qarşı keçirilmiş ilk oyundan (4:0) sonra jurnalistlərin suallarını cavablandırıb. Azerisport.az xəbər verir ki, o, öncə bunları söyləyib:
"Qələbə qazansaq da, istənilən səviyyədə oynamadıq. Hamımız oyunun yüksək səviyyədə keçmədiyini gördük. Burada gizlədiləsi heç nə yoxdur. "İnter" pis təsir bağışlamadı. Onların gənc futbolçularını özlərini yaxşı tərəfdən göstərdilər. Sadəcə, bizim futbolçular daha təcrübəlidirlər. Amma biz oyunumuzu daha da yaxşılaşdırmalıyıq. Bizim hədəflərimiz böyükdür. Daha yaxşı, Avropa səviyyəsində oyun göstəməliyik. Çempionlar Liqasında oynamaq istəyirik. Qarabağ adını daha yüksəklərə daşımaq, avrokuboklarda daha yaxşı çıxış etmək istəyirik".
Gözəl bəyan edib ki, qarşıdakı yay təlim-məşq toplanışını daha uzunmüddətli təşkil etmək istəyirlər: "Bu barədə Qurban Qurbanovla yenə söhbət edəcəyəm. Görək o nə təklif edəcək. Hər kəs komandamızdan daha yaxşı oyun, daha böyük nəticələr gözləyir. Həm də son dövrlər cəbhə bölgəsində vəziyyət gərgindir. Erməni işğalçıları öz aqressivliklərini davam etdirirlər. Biz də öz növbəmizdə "Qarabağ"ın Avropada daha böyük nəticələrə imza atmasına çalışmalıyıq. Dünyaya göstərmək istəyirik ki, Qarabağın adı həm də idmandır, sülhdür".
Ağdam klubunun prezidenti yay transfer planlarına da toxunub: "Qurbanov istəsə, yeni oyunçular almağa hazırıq. Əlbəttə, büdcəmiz elə də böyük deyil. Büdcəmizə uyğun hərəkət etməliyik. Məsələn, Migeli almışdıq, gördüyünüz kimi o, indi yaxşı oynayır, tez-tez qol vurur. Çəkdiyi əziyyətin bəhrəsini görür".
"Qarabağ"ın Çempionlar Liqasının qrup mərhələsində oynamaq istəyi çox böyükdür. Bu, mənim arzumdur. Ola bilər ki, həmin dövrə kimi torpaqlarımız da düşmən işğalından azad olunar. Bu da bizim ən böyük arzularımızdan biridir".
Gözəl "düşünmürsüz ki, "Qarabağ"ın adına görә dövlәt sizә maddi baxımdan kömәk edә bilәr vә komandaya daha yaxşı futbolçular gәtirә bilәrsiz" sualına isə belə cavab verib: "Qarabağ"ın sponsoru var. Lakin indiki vәziyyәtdә bizim büdcәni artırmağımız mümkün deyil. Özünüz vәziyyәti bilirsiz. Amma dövlәt bizә yardım edәcәksә, bunu mәmuniyyәtlә qәbul edәrik. Amma o da tez zamanda olmalıdır. Çünki vaxtımız azdır. Әgәr elә olsa, biz dә prezidentimiz İlham Әliyevә minnәtdar olarıq vә bu futbolçulara, komandaya böyük dәstәk olar. İstənilən halda biz dövlətdən lazım olan dəstəyi görürük. Xatirinizdədirsə, Azərbaycan prezidenti Avropa Liqasının qrup mərhələsindəki ilk uğurlu çıxışımızdan sonra bizimlə görüşərkən hakimin həmin məşhur səhvini xüsusi vurğulamışdı".
