Güləş yığmalarının məşqçilər korpusunda dəyişiklik edildi
Olimpiya Güləş Mərkəzində güləş üzrə ölkə yığma komandalarının məşqçilər korpusu ilə görüş keçirilib. Azerisport.az xəbər verir ki, Azərbaycan Güləş Federasiyasının I vitse-prezidenti, Dünya Güləş Birliyi İdarə Heyətinin üzvü Namiq Əliyevin iştirak etdiyi görüşdə yığma komandalarının məşqçilər korpusunda edilən dəyişikliklər də açıqlanıb.
Edilmiş dəyişikliklərdən sonra məşqçilər korpusunun yeni heyəti aşağıdakı kimidir:
Yunan-Roma güləşi
Böyüklər
Baş məşqçi - Cəmşid Xeyrabadi
Böyük məşqçi - Nurəddin Rəcəbov
Məşqçi - Akif Əliyev
Məşqçi - Eyub Azmudeh
Gənclər
Böyük məşqçi - Şaban Donat
Məşqçi - Zöhrab Abbasov
Məşqçi - Turac Hüseynov
Yeniyetmələr
Böyük məşqçi - Bəhram Mürvətov
Məşqçi - İslam Cəfərov
Məşqçi - Fuad Alıyev
Kiçik yaşlı yeniyetmələr
İlqar Abdulov
Vüqar Aslanov
Rasim Ağayev
Sərbəst güləş
Böyüklər
Baş məşqçi - Saypulla Absaidov
Böyük məşqçi - Firdovsi Umudov
Məşqçi - David Kurtsiya
Gənclər
Böyük məşqçi - Əsgərxan Novruzov
Məşqçi - Rövşən Hacıyev
Məşqçi - Sadruddin Ayqubov
Yeniyetmələr
Böyük məşqçi - Nazim Əlicanov
Məşqçi - Vahid Məmmədov
Məşqçi - Rövşən Umudov
Kiçik yaşlı yeniyetmələr
Mehman Nəcəfov
Elşad Allahverdiyev
Qadınlar
Böyüklər
Baş məşqçi - Semyon Çterev
Böyük məşqçi - Konstantin Konorev
Məşqçi - Arif Fərmanov
Gənclər
Böyük məşqçi - Yaqub Məmmədov
Məşqçi - Aslan Ağayev
Yeniyetmələr
Böyük məşqçi - Həsrət Məmmədyarov
Məşqçi - İsaməddin Hüseynov
Azərbaycan Güləş Federasiyasının baş katibi Əjdər Cəfərov məşqçilər korpusunda edilən dəyişikliklərin yığma komandaların daha da gücləndirilməsinə xidmət edəcəyini bildirib.
"Azərbaycan Güləş Federasiyasının prezidenti cənab Fazil Məmmədovun əmrinə əsasən, yığma komandaların məşqçilər korpusunda dəyişikliklər edildi. İnanırıq ki, dəyişiklik yığma komandaların daha da gücləndirilməsi və güləşçilərin qarşıdan gələn yarışlara daha yaxşı hazırlaşmalarına xidmət edəcək. Qarşıda bizi ciddi sınaqlar gözləyir. Çalışacağıq ki, 2015-ci ildə paytaxtımızda keçiriləcək ilk Avropa Oyunları, ardınca Las Veqasda Olimpiya Oyunlarına lisenziya xarakterli Dünya çempionatı və nəhayət, 2016-cı il Braziliyada Yay Olimpiya Oyunları kimi mötəbər yarışlarda güləşçilərimiz maksimum sayda yüksək əyarlı medallar qazanmaqla yeni tarix yazsın və xalqımızı sevindirsinlər. Bilirik ki, ölkə prezidenti, Milli Olimpiya Komitəsinin prezidenti cənab İlham Əliyevin güləşə və güləşçilərə xüsusi diqqət və qayğısı var. Federasiya tərəfindən də hər bir şərait yaradılıb. Etimadı doğrultmaq üçün var-gücümüzlə çalışacağıq".