Mahir Şükürov yenidən Neftçi forması ilə meydana çıxdı
Xəbər verdiyimiz kimi, Azərbaycan milli komandasının dünya çempionatının seçmə mərhələsindəki oyunları ilə bağlı Topaz Premyer Liqasında yaranmış fasilədən istifadə edən "Neftçi” və "Sumqayıt" bu gün yoxlama görüşü keçirib. Azerisport.az xəbər verir ki, "Kapital Bank Arena”da baş tutmuş oyun bakılıların 0:1 hesablı məğlubiyyətlə nəticələnib.
"Neftçi"də əsas heyətin 7 üzvü müxtəlif milli komandaların düşərgəsində olduğundan, 4 futboçusu isə zədə səbəbindən bu gün meydana çıxmayıb. Əvəzində komandanın düşərgəsində məşq edən Mahir Şükürov, eləcə də baxışa dəvət olunmuş Boban Baykoviç, Aleksandrs Fertovs və Jonas Pessalli meydana çıxmaq şansı qazanıblar.
"Neftçi” bu oyunda aşağıdakı heyətlə mübarizə aparıb: 33. Boban Baykoviç, 3. Jayro (k), 20. Eltun Yaqublu, 22. Mahir Şükürov, 23. Tərzin Cahangirov, 30. Dario Melnyak, 80. Edson Kastilyo, 87. Aleksandr Fertov, 90. Jonas Pessalli, 95. Elvin Bədəlov, 99. Denilson Pereyra.
İkinci hissədə meydana daxil olanlar: 5. Heydər Babayev, 13. Murad Ağayev, 21. Aqşin Qurbanlı, 26. Kamal Qurbanov, 41. İbrahim Əliyev, 88. Orxan Qurbanlı.
