Hollandiyalı doqquz üzgüçü Bakı-2015-də yarışmaq hüququ əldə edib
Hollandiyalı doqquz üzgüçü bu ölkənin Milli Çempionatında uğurlu çıxış edərək Avropa Oyunlarında iştirak hüququ qazanıb. Azerisport.az xəbər verir ki, Marrit Steenbergen 50 m, 100 m və 200 m sərbəst formada, eləcə də 50 m arxaüstə və 200 m qarışıq üslubda fərqlənib. O, Ayndhoven şəhərində yerləşən Pieter van den Hoogenband Üzgüçülük Arenasında keçirilmiş Üzgüçülük Kubokunda yüksək pillədə yer alıb.
200 metr sərbəst formada üzgüçülük üzrə hollandiyali üzgüçülər - Frederik Yanssen, Laura van Engelen və Marieke Tienstra - Bakı-2015 Avropa Oyunlarının idman növü üzrə təyin etdiyi zaman məhdudiyyətinə riayət edə biliblər.
Yanssen də həmçinin, üzgüçülüyün 50 və 100 m sərbəst forması üzrə kvota yeri əldə edib. Tienstra yarışlarda fərqlənərək Hollandiya üçün üzgüçülüyün 200 m kəpənək forması və 200 m qarışıq forması üzrə kvota yeri qazanıb.
İris Tjonk xüsusi olaraq üzgüçülüyün kəpənək forması üzrə fərqlənərək 50, 100 və 200 metrlərdə Hollandiya üçün kvota yeri qazanıb.
Bakı-2015 Avropa Oyunlarında kvota yeri əldə etmiş doqquz hollandiyali üzgüçü Hollandiya Milli Olimpiya Komitəsi tərəfindən nəzərdən keçirilir. Bu ölkənin MOK-u Bakı-2015 Avropa Oyunlarında iştirak edəcək milli komanda üzrə son qərarı bəyan edəcək.
