Bakı-2015-in açılış mərasimi unudulmaz hadisə ola bilər
Bakı 2015 Avropa Oyunlarının 12 iyun tarixində keçiriləcək Açılış Mərasimi dünya idmanının ən təcrübəli və tanınmış peşəkarlarından biri hesab olunan Katerin Uqvu tərəfindən genişmiqyaslı canlı tədbirlərdə müşayiət olunacaq. Azerisport.az xəbər verir ki, əslən Mançesterdən olan xanım Uqvu 2002-ci ildə doğma şəhəri Mançesterdə keçirilmiş tədbirdən etibarən beynəlxalq idman aləmində Mərasimlərin müstəsna prodüserinə çevrilmişdir.
Mançester Stadionunda XVII Birlik Oyunlarının Bağlanış Mərasimini təşkil etdikdən sonra o, Qətərin paytaxtı Dohada 2006-cı ildə keçirilən XV Asiya Oyunlarının Açılış Mərasimini də təşkil edib. Bundan əlavə, Ketrin 2010-cu ildə Vankuver Qış Olimpiya Oyunlarının Açılış və Bağlanış Mərasimlərinin strateji hissəsinin baş prodüseri olub.
Bakı 2015-dən öncə onun ən böyük layihəsi 2012-ci ildə Londonda keçirilən Olimpiya və Paralimpiya oyunları üzrə Mərasimlərin İcraçı Prodüseri olub. 2013-cü ildə o, 2012-ci ildə Londonda keçirilən Olimpiya və Paralimpiya Oyunlarına verdiyi mühüm töhfəsinə görə MBE (Britaniya İmperiyası Ordeninin Laureatı) ilə təltif olunub.
Bakı 2015-in Əməliyyatlar üzrə baş direktoru cənab Saymon Kleq bildirib: “Bakıda ilk Avropa Oyunlarını həyata keçirmək məqsədilə geniş təcrübəyə malik Mərasimlər direktoru ilə işlədiyimiz üçün bəxtimiz gətirib. Katerina son 20 ildən bir qədər çox zaman ərzində gözəl nüfuz qazanıb. Onun adı dünya idman sahəsinin ən yaddaqalan Mərasimlərində çəkilir.”
London Millenium Qübbəsində tamaşa yaratmış Katerina deyib: "Mərasimi təşkil edən ölkənin mədəni irsinin təbiətinə görə, hər bir mərasim unikal olmalıdır və Bakı 2015 də fərqli olacaq. Azərbaycan gənc ölkə olsa da , öz mədəniyyətinə görə fəxr edir və bu da Mərasimdə əks olunacaq.
"Bizim çox bacarıqlı komanda üzvlərimiz ilə yanaşı, Açılış Mərasiminin tərtibatçısı, dəyərli bədii direktorumuz Dimitris Papaioannou və Bağlanış Mərasiminin bədii direktoru Ceyms Hadli də fəaliyyət göstərir. Eyni zamanda yüksək istedada malik Azərbaycan gənclərindən ibarət həvəsli könüllülər də dəstək göstərirlər. Olimpiya Stadionunun heyrətamiz quruluşu ilə yanaşı bu ölkənin idman tarixində ən möhtəşəm gecə üçün əla tədbir proqramımız var".
Katerina Akra, Adelaida, Antverpen, Los-Anceles, Mexiko və Nyu-Yorkda bir çox beynəlxalq incəsənət festivallarının tərtibatçısıdır. 1997-ci ildə Canlı İncəsənət üzrə İnkişaf Agentliyini təsis etmiş, 2001-ci ildə isə agentliyin direktoru vəzifəsinə keçmişdir.
O, 1991-ci ildən 1997-ci ilə kimi proqramlaşdırma, kuratorial və tapşırıqların verilməsi ilə bağlı tədbirlər keçirməklə Londonda, Müasir İncəsənət İnstitutunun canlı incəsənət şöbəsində direktor müavini vəzifəsinə qalxıb.
Bakı 2015-in Açılış Mərasimi Bakı vaxtı ilə iyunun 12-si saat 20:00-da baş tutacaq.
