Rusiyalı idmançılar sinxron üzgüçülükdə iddialıdırlar
Gənclər arasında dünya çempionu rusiyalı Anisiya Neborako üçqat qızıl medal qazanacağına ümid edir. Azerisport.az xəbər verir ki, Rusiyanın sinxron üzgüçüləri Bakı 2015 Avropa Oyunlarında hovuzda öz peşəkarlıqlarını nümayiş etdirəcəklər. Burada onlara rəqibləri belə azarkeşlik edəcəklər.
Fiqurlar, solo, komanda və sərbəst kombinasiya üzrə yarışan gənclər arasında ikiqat dünya çempionu Anisiya Neborakonın şounun ulduzu olacağı gözlənilir. O iddiaçıların fəxrli baxışlarını özünə cəlb edən güclü komandaya başçılıq edir.
"Hər zaman biz onların nə isə maraqlı, yaxud yeni bir şey tapdığının şahidi oluruq" - deyə Avstriyanın bolqarıstanlı məşqçisi Albena Mladenova bildirib və belə əlavə edib: "Mənim üçün onları görmək xoşdur və çox maraqlıdır. Həmişə düşünürəm ki, biz onlardan öyrənə bilərik".
Hətta medala ciddi iddialı olan İspaniya Rusiya üzgüçülərinin keyfiyyətini yüksək qiymətləndirir, baxmayaraq ki, məşqçi Ana Paçeko Montero məğlubiyyət gözləmir: "Əlbəttə ki, biz bilirik ki, Rusiyalılar olduqca yaxşıdırlar və biz bura gələndə ilk etdiyimiz şey onlara baxmaq olur. Biz onlardan öyrənməyə davam edirik. Düşünürəm ki, bu idmanın və yarışın olduğu üsulla yarışın sonunadək heç nə yazılmır".
Neborako razılaşmaya bilər. 18 yaşlı idmançı 2014-cü ildə Helsinkidə keçirilmiş Gənclər Arasında Dünya Çempionatında üçqat qızıl medalı qazanmaq istəyirmiş, lakin Neborako orada sərbəst kombinasiya üzrə öz komanda yoldaşı ilə gümüş medala yiyələndi.
Onun əsas rəqibi ehtimal ki, ukraynalı idmançı Yelizaveta Yaxnodur. Belə ki, o da bütün sinxron üzgüçülük yarışlarında, o cümlədən duet üzrə mübarizə aparır.
Fərdi yarışlar üzrə digər rəqiblər avstriyalı Anna-Mariya Aleksandri, ispaniyalı Berta Ferreras Sans, fransalı İnesse Quermoud və italiyalı Noemi Karrozadır.
Sinxron üzgüçülük cədvəli 12 iyun tarixində Açılış Mərasimindən əvvəl başlayır. Burada nəzərdə tutulur ki, Belarus cütlüyü Xanna Şulina və Dominika Sipalkova birinci Avropa Oyunlarında ilk rəqiblər olmaq kimi bir şərəfə nail olacaqlar.
Onlar ilkin olaraq cütlərin sərbəst hərəkəti üzrə yarışacaqlar. Burada bütün nəzərlər rusiyalı cütlük Valeriya Filenkova və Dariya Kulaginaya cəmlənəcək. Belə ki, onlar 2014-cü il Gənclər Arasında Dünya Çempionatında qızıl medal komandasının tərkibinə daxil olmuşdular.
Onların ən yaxın rəqibləri ukraynalı cütlük Yana Nariejna və Yaxno, habelə ispaniyalı Yuliya Eçeberria Esquivel və İrene Toledano Karmelodur.
Ukrayna həm gənclər, həm də yaşlılar səviyyəsində öz reytinqini kəskin şəkildə yüksəldib. İndi ukraynalılar İspaniyanı arxada qoyub və yarışlarda Rusiyanın əsas rəqibidirlər.
Ukrayna, İspaniya və İtaliya komanda yarışında ruslara qalib gələrək podiumda yer qazanmağa ümid edirlər.
