Rusiyalı üzgüçülər Bakı-2015-də fərqləndilər
Bakı Su İdmanı Mərkəzində sinxron üzgüçülük üzrə sərbəst duet proqramında ilkin yarış keçirilib. Azerisport.az xəbər verir ki, yarışın nəticələrinə görə, Rusiya idmançıları daha çox bal topladılar.
Rusiyalı cütlük Valeriya Filenkova və Dariya Kulagina gözqamaşdıran kostyumları ilə Van Helsinqin musiqisinin sədaları altında çıxış etməklə 89.2333 xalla yarışa liderlik edirlər.
Avstriya idmançıları - Anna-Mariya Aleksandri və Eyrini-Marina Aleksandri bacıları yarışı 4-cü yerdə bitiriblər. Onlar “Qu gölü” baletinin sədaları altında çıxış etdikdən sonra yüksək bal (83.8333) toplasalar da, yarışın favoritləri Rusiya, Ukrayna və İspaniyadan sonra 4-cü oldular.
Azərbaycanı təmsil edən Tatyana Nikitina və Yekaterina Valiulinanın çıxışı azarkeşlər tərəfindən böyük coşğu ilə qarşılandı. Onlar 71.4333 xal topladılar.
"Bu, bizim üçün çox böyük məsuliyyət idi və öhdəsindən gəlmək çox çətin idi. Lakin azarkeşlər bunu dəf edməyə kömək etdi" - Yekaterina Valiulina.
Bu yarış Belarus və ev sahibi Azərbaycanın Milli Olimpiya Komitəsi üçün tarixi gündür. Çünki Belarusdan olan cütlük - Hanna Şulnina və Dominika Tsiplakova birinci Avropa Oyunlarının ilk iştirakçıları oldular.
Yarışdan öncə çox həyəcanlı olan Dominika Tsiplakova birinci çıxış edəcəyini əvvəlcədən hiss edibmiş: "Yuxumda görmüşdüm ki, kosmetikamla bağlı problemim var. Bundan əvvəl isə yarışa birinci çıxacağımı da görmüşdüm. Həqiqətən də yarışa çıxanda dodaq boyamda problem yaşadım".
