Mingəçevirin tarixində ən mühüm hadisə
Bakı 2015-ci il Avropa Oyunlarına ev sahibliyi edir. Lakin idman yarışının bir hissəsi sürətlə inkişaf edən Bakıdan 250 km aralıda baş tutacaq.
Azerisport.az xəbər verir ki, Kür çayı üzərində bənd inşa edildikdən sonra 1948-ci ilin noyabrında Mingəçevir şəhər statusunu əldə edib. Deməli, şəhərin yaşı 1936-cı ildə Berlin şəhərində Olimpiya debütünü keçirən avarçəkmənin yaşından daha azdır.
Mingəçevir şəhəri icra hakimiyyəti başçısının birinci müavini İlham İsmayılov bildirib ki, İlk Avropa Oyunları şəhərimizin tarixində ən önəmli tədbirdir:
"Bizim çoxlu mühüm yarışlarımız olub, lakin belə yarış heç vaxt olmayıb. Biz ötən ilin aprelindən ev sahibliyi hazırlıqlarına başladıq".
İ.İsmayılov Avropa Oyunlarının Mingəçevir şəhərinin hüdudlarından kənarda da öz töhfəsini verəcəyinə ümid edir: "Sovetlər birliyinin süqutundan sonra Mingəçeviri ziyarət edən turistlərin sayı azalıb. Lakin Bakı 2015-in şəhərdə turizminin inkişafına təkan verəcəyinə ümid edirik."
Mingəçevir 1953-cü ildə tikilmiş 1.5 km uzunluğunda bəndi olan 605 kvadrat kilometr sahəyə malik su anbarı ilə məşhurdur. Bakı 2015 avarçəkmə yarışının keçirələcəyi çay onun üzərində tikilmiş su elektrik stansiyasından şəhərə doğru olan axın istiqamətində olacaq.
Mingəçevir bütün ölkənin enerji tələbatının 45-50 faizini təmin edir. Hazırda şəhərin 102 minə yaxın əhalisi var.
14 iyun tarixində Kür İdman və Avarçəkmə Mərkəzində üç günlük avarçəkmə yarışı başlayacaq.
