Bədii gimnastikada liderlik uğrunda savaş güclənir
"Bu çox önəmli turnirdi və biz buna çox böyük diqqətlə yanaşdıq. Biz əlimizdən gələni etməyə çalışacağıq və mən burada ən yüksək nəticələri gözləyirəm". Azerisport.az xəbər verir ki, 2013-cü və 2014-cü illərdə bədii gimnastikada çoxnövçülük üzrə dünya çempionu Yana Kudryavtseva belə bəyanatla çıxış edib.
Kudryavtseva Bakıda Ukrayna, Belarus, İtaliya və İspaniya kimi bir çox güclü rəqiblərinin olduğunu söyləyir.
17 yaşlı Kudryavtseva Bakıda çoxsaylı qızıl medallara favoritdir. Onun Bakıda komanda yoldaşı, 2014-cü ildə çöxnövçülük üzrə gümüş medalın qazanılmasında kömək edən 19 yaşlı Marqarita Mamundur.
Kudryavtseva kimi, Mamun da özünü psixoloji baxımdan fərdlər arasında çöxnövçülük finalında qələbəyə hazırlayıb. Final yarışı cümə günü Milli Gimnastika Arenasında keçiriləcək
"Biz çox sakitik və üzərimizdə heç bir təzyiq hiss etmirik. Çox yaxşı hazırlaşmışıq, elə bu cür də çıxış edəcəyimizə inanıram. Biz uğurlu çıxış etmək istəyirik".
Çoxnövçülük üzrə 2014-cü il dünya bürünc medalçısı Qanna Rizatdinova (UKR) və 2015-ci il Avropa çempionatının fərdlər arasında üçqat medalçısı Melitina Staniouta (BLR), Rusiyanın fərdi titullara namizədliyini siləcək potensial idmançılardır.
Fərdi yarışa fərdi çoxnövçülük finalında halqa, top, gürzlər və lent üzrə vəsiqə və ayrı-ayrı hərəkətlər üzrə finallar daxil olacaq.
Qrup yarışına qrup çoxnövçülük finalı, beş lentli hərəkətlər, altı gürz və iki halqa üzrə yarışlarda vəsiqə və ayrı-ayrı hərəkətlər üzrə finallar daxildir.
Rusiya, Belarus, Bolqarıstan və Azərbaycan liderlik edən qruplar arasındadır.
