AÇ-2015-in ev sahibi müəyyənləşdi
20 dekabr 2011 00:03
2015-ci ildə kişilərdən ibarət basketbol yığmaları arasında Avropa çempionatının keçirilməsi hüququ Ukraynaya verilib. Azerisport.az xəbər verir ki, FİBA Avropa Şurası rəhbərliyinin müvafiq qərarını dekabrın 18-də Münhendə qurumun prezidenti Olafur Rafnson elan edib.
Fransa, Almaniya, İtaliya və Xorvatiyanın basketbol assosiasiyaları müsabiqə prosedurlarının müəyyən məqamlarından narazılıqları ilə əlaqədar Avrobasket 2015-in keçirilməsinə birgə sifarişlərini geri götürüblər.
Ukrayna baş nazirinin müavini və infrastruktur naziri Boris Kolesnikov əmindi ki, ölkə 2015-ci il basketbol üzrə Avropa çempionatını uğurla keçirəcək. O, Münhendə FİBA Avropa rəhbərliyinin Avrobasket-2015-ə ev sahibliyini Ukraynaya verdiyi mətbuat konfransında deyib: “Mən ölkəmiz adından FİBA rəhbərliyinə minnətdarlığımı bildirib, bir daha əmin etmək istəyirəm ki, Ukrayna qonaqpərvər slavyan ölkəsidi. Odu ki, çempionat, heç şübhəsiz, yaddaqalan olacaq. Qalanı isə artıq oyunçuların işidi”.
