Millimizin baş meneceri Türkiyə klubunda
19 iyun 2012 16:58
Azərbaycan Basketbol Federasiyasının (ABF) və yığmamızın baş meneceri Levent Türknas karyerasını Türkiyədə davam etdirəcək. Azerisport.az xəbər verir ki, veteran basketbolçu “Pınar Karşıyaka” klubu ilə müqavilə bağlayıb.
O, Beko Baksetbol Liqasında çıxış edən klubda Azərbaycan Basketbol Federasiyasında olduğu kimi baş menecer vəzifəsini yerinə yetirəcək. Levent Türknas artıq yeni klubu ilə rəsmi müqavilə imzalayıb.
Qeyd edək ki, Levent Türknas basketbola “Pınar Karşıyaka”nın aşağı yaş qruplarında başlayıb. Daha sonra Türkiyənin müxtəlif klublarında oynayıb və 3 il Azərbaycan klublarının formasını geyinib. O, 2010-cu ildə Azərbaycan Basketbol Federasiyasının baş meneceri təyin olunmuşdu.
