Baku Fires – Astana Arlans: heyətlər məlumdu
Yanvarın 18-də saat 19:00-da Quba Olimpiya Kompleksində Ümumdünya Boks Seriyasının (WSB) 6-cı turunun matçında Azərbaycanın “Baku Fires”klubu Qazaxıstanın “Astana Arlans” komandasını qəbul edəcək. Azerisport.az xəbər verir ki, “Astana Arlans” liqanın son qalibi olduğundan görüşün gərgin keçəcəyi gözlənilir.
Qazaxıstan təmsilçisi ötən tur səfərdə “Hussars Poland” üzərində 4:1 hesabı ilə qələbə qazanıb.
Komandaların heyətləri:
Baku Fires – Astana Arlans
52 kq. Elvin Məmişzadə – İlyas Süleymanov
60 kq. Albert Səlimov – Samat Başenov
69 kq. Yevgeni Romaşkeviç – Meirim Nursultanov
81 kq. Ramazan Məhəmmədov – Ehsan Rouzbahani
+91 kq. Hacı Murtuzəliyev – Ruslan Mırsatayev
Nuripaşa Talibov 52 kq çəki dərəcəsində Avropa çempionatlarının mükafatçısı Elvin Məmişzadəyə güvənib. Onun rəqibi Asiya oyunlarının finalçısı, London Olimpiadasının iştirakçısı İlyas Süleymanov olacaq.
Dünya və Avropa çempionu Albert Səlimov isə WSB-nin ən təcrübəli boksçularından olan Samat Başenovla üz-üzə gələcək. Liqada 9 döyüş keçirən qazaxıstanlı dəri əlcək ustası bunların 7-də qalib gəlib.
Super ağır çəki dərəcəsində yarışan Ruslan Mırsatayevin də böyük təcrübəsi var. O, liqada 17 görüş keçirib və bunların 13-ü qələbə ilə başa vurub. Mırsatayev Pekin Olimpiadasının ¼ finalçısı olub. Qeyd edək ki, 2010/2011-ci illər mövsümündə Məhəmmədrəsul Məcidov Mırsatayevi məğlub edib.
“Astana Arlans” klubu Qubaya iranlı legioner də gətirəcək. London Olimpiadasının ¼ finalçısı Ehsan Rouzbahani Ramazan Məhəmmədovla gücünü sınayacaq.
5-ci turda B qrupunda keçirlmiş görüşlərin nəticələri:
“Baku Fires” – “Cuba Domaderos” - 2:3
Rusiya – “Mexico Guerreros” - 5:0
Hussars Poland” - “Astana Arlans” - 1:4
Bu həftə “B” qrupunda daha 2 görüş olacaq. “Poland Hussars” Rusiyanı qəbul edəcək. Cuba Domadores” isə doğma rinqdə “Mexico Guerreros”la qarşılaşacaq.
