Məcidov və Məmmədov Baku Fires-a dəstək olacaq
"Baku Fires" fevralın 8-də Quba Olimpiya Kompleksində Polşanın "Hussars Poland" komandasını qəbul edəcək. Azerisport.az 8-ci turun görüşlərində iştirak edəcək boksçuları tədqim edir:
52 kq. Murad Rabadanov - Marluş Pyotr Koç
60 kq. Məhəmmədrəşid Cəbrayılov - Mateuş Polski
69 kq. Kamil Əhmədov-İreneuş Zakrevski
81 kq. Teymur Məmmədov- Pyotr Podluçki
91 kq.-dan yuxarı Məhəmmədrəsul Məcidov- Arkadiuş Tabarek
Qeyd edək ki, qələbə sayəsində Baku Fires 1/4 finala vəsiqəni rəsmiləşdirə bilər.
Bu döyüşdə “Baku Fires”in heyətində 3 yeni boksçu rinqə çıxacaq. Baş məşqçi Nuripaşa Talibov yəqin ki, rəqibin zəifliyini nəzərə alaraq, Rabadanov, Cəbrayılov və Əhmədova WSB liqasında debüt etmək imkanı qazandırıb. Bu dəfə Quba azarkeşləri milli komandamızın liderləri Teymur Məmmədovla Məhəmmədrəsul Məcidovun çıxışını böyük maraqla izləyəcəklər. Olimpiya oyunlarının bürünc mükafatçısı, Avropa çempionu Məmmədov liqada ilk görüşünü 23 yaşlı Piotr Podluçkiyə qarşı keçirəcək. Polşalı boksçu Ümumdünya Boks Seriyasında 1 döyüşdə rinqə çıxıb və məğlub olub.
2 qat dünya çempionu Məhəmmədrəsul Məcidov isə oktyabrdakı dünya çempionatından sonra ilk dəfə rinqə çıxacaq. Məcidovun rəqibi Toborek WSB liqasında bir görüş keçirərək, uduzub.
“Hussars Poland” klubunda ən təcrübəli boksçu 69 kq çəki dərəcəsində vuruşacaq İreneuş Zakrzevskini qeyd etmək olar. 21 yaşlı idmançı liqada 3 dəfə rinqə çıxıb, 1 qələbə qazanıb. O, 2012-2013-cü illər mövsümündə “Baku Fires”in üzvü Mixail Veselova yenilib.
