Albert Səlimov: Finalda Rusiya və ya Kubanın bizə rəqib olması, o qədər önəmli deyil
3 may 2014 15:33
“Baku Fires” klubunun boksçusu, dünya və Avropa çempionu Albert Səlimov azerisport.az saytına müsahibəsində Ümumdünya Boks Seriyasında yarımfinal mərhələsinin cavab görüşü, final və karyerası barədə danışıb:
- Yarımfinalın ilk görüşündə səfərdə Qazaxıstanın “Astana Arlans” komandasına 2:3 hesabı ilə uduzdunuz. Qubada keçiriləcək cavab görüşündə şanslar necədir?
- Şanslar bərabərdir. Səfərdə 2:3 hesabı ilə uduzmaq, pis nəticə deyil. Əgər Bakıda 4 görüşdə qələbə qazansaq biz finala vəsiqə qazanacağıq. Bu mənada, komandamızın şansları pis deyil. Hər şey özümüzdən asılıdır. Başa düşürük ki, cari mövsüm böyük qələbə ilə başa vurmaq imkanımız var. Gərək, bundan istifadə edək.
- Rəqib ilk görüşdən sonra hakimlərin Azərbaycan təmsilçisinə kömək etdiyini bildirib. Bu fikir Qermaxanovun görüşü ilə bağlı söylənilib...
- Nə vaxtsa uduzan tərəfin narazı olmadığını görmüsünüz? İdmanda hər zaman belədir. Uduzan, səbəb axtarır. Görüş canlı yayımlanıb. Ona görə hamı gördü ki, boksçumuz haqlı olaraq qələbə qazanıb.
- Əgər hesab bərabərləşsə, əlavə döyüşdə Teymur Məmmədov rinqə çıxacaq. Səncə, buna ehtiyac qalacaq?
- “Astana Arlans” komandasında güclü boksçular var. Amma “Baku Fires” zəif deyil. Əlbəttə, mümkündür ki, Teymur rinqə çıxsın. Amma biz çalışmalıyıq, lazımi nəticəni 5 görüş zamanı əldə edək. Azarkeşlər hər zaman olduğunu kimi bizə güclü dəstək olacaq. Ona görə qələbə bizim olmalıdır.
- Digər yarımfinalda Rusiya və Kuba boksçuları mübarizə aparır. Finalda hansı komanda ilə görüşmək istərdin?
- Mənim üçün fərqi yoxdur. Rusiya və ya Kuba komandasından kim güclüdürsə, o da bizə rəqib olsun. Əgər finala vəsiqə qazansaq, kimə qarşı yarışacağımız maraqlı deyil. Əsas, öz hazırlığımızdır. Rəqibin kimliyindən asılı olmayaraq, biz qalib gəlmək istəyirik.
- Azərbaycan vətəndaşlığını qəbul etməli idin. Bu məsələ nə yerdədir?
- Artıq bütün sənədlər hazırdır. Mənim Azərbaycan pasportum var. Gələcəkdə Azərbaycan yığmasında iştirak etmək istəyirəm. Cari mövsüm başa çatandan sonra ilk olaraq, Azərbaycan çempionatında mübarizə aparacağam. Gələn ilin mart-aprel aylarından başlayaraq, Azərbaycan millisində beynəlxalq arenada çıxış edəcəyəm. Arzum Yay Olimpiya Oyunlarına lisenziya qazanmaqdır.
- Rusiya tərəfi ilə bağlı problem yoxdur?
- Rusiyada artıq məni unudublar. Ona görə qələbə qazanmaqla, özümü yada sala bilərəm. Mənimlə bağlı heç bir problem yoxdur. Mən öz seçimimi etmişəm. Qərarımda qətiyəm. Azərbaycan yığmasının şərəfini qorumaq istəyirəm.
- Cari mövsüm “Baku Fires”in heyətində çıxışını necə qiymətləndirirsən?
- Fikrimcə, hər şey normaldır. Sadəcə İtaliya komandası ilə səfər görüşündə yaxşı çıxış etmədim. Həmin gün bilmirəm, mənə nə olmuşdu. Gücümü göstərə bilmədim. Digər görüşlərim zamanı qələbə qazanmağı bacarmışam. Əgər “Baku Fires”lə dünya çempionu olsaq, onda mövsümün əla alındığını deyə bilərəm.
- Yarımfinalın ilk görüşündə səfərdə Qazaxıstanın “Astana Arlans” komandasına 2:3 hesabı ilə uduzdunuz. Qubada keçiriləcək cavab görüşündə şanslar necədir?
- Şanslar bərabərdir. Səfərdə 2:3 hesabı ilə uduzmaq, pis nəticə deyil. Əgər Bakıda 4 görüşdə qələbə qazansaq biz finala vəsiqə qazanacağıq. Bu mənada, komandamızın şansları pis deyil. Hər şey özümüzdən asılıdır. Başa düşürük ki, cari mövsüm böyük qələbə ilə başa vurmaq imkanımız var. Gərək, bundan istifadə edək.
- Rəqib ilk görüşdən sonra hakimlərin Azərbaycan təmsilçisinə kömək etdiyini bildirib. Bu fikir Qermaxanovun görüşü ilə bağlı söylənilib...
- Nə vaxtsa uduzan tərəfin narazı olmadığını görmüsünüz? İdmanda hər zaman belədir. Uduzan, səbəb axtarır. Görüş canlı yayımlanıb. Ona görə hamı gördü ki, boksçumuz haqlı olaraq qələbə qazanıb.
- Əgər hesab bərabərləşsə, əlavə döyüşdə Teymur Məmmədov rinqə çıxacaq. Səncə, buna ehtiyac qalacaq?
- “Astana Arlans” komandasında güclü boksçular var. Amma “Baku Fires” zəif deyil. Əlbəttə, mümkündür ki, Teymur rinqə çıxsın. Amma biz çalışmalıyıq, lazımi nəticəni 5 görüş zamanı əldə edək. Azarkeşlər hər zaman olduğunu kimi bizə güclü dəstək olacaq. Ona görə qələbə bizim olmalıdır.
- Digər yarımfinalda Rusiya və Kuba boksçuları mübarizə aparır. Finalda hansı komanda ilə görüşmək istərdin?
- Mənim üçün fərqi yoxdur. Rusiya və ya Kuba komandasından kim güclüdürsə, o da bizə rəqib olsun. Əgər finala vəsiqə qazansaq, kimə qarşı yarışacağımız maraqlı deyil. Əsas, öz hazırlığımızdır. Rəqibin kimliyindən asılı olmayaraq, biz qalib gəlmək istəyirik.
- Azərbaycan vətəndaşlığını qəbul etməli idin. Bu məsələ nə yerdədir?
- Artıq bütün sənədlər hazırdır. Mənim Azərbaycan pasportum var. Gələcəkdə Azərbaycan yığmasında iştirak etmək istəyirəm. Cari mövsüm başa çatandan sonra ilk olaraq, Azərbaycan çempionatında mübarizə aparacağam. Gələn ilin mart-aprel aylarından başlayaraq, Azərbaycan millisində beynəlxalq arenada çıxış edəcəyəm. Arzum Yay Olimpiya Oyunlarına lisenziya qazanmaqdır.
- Rusiya tərəfi ilə bağlı problem yoxdur?
- Rusiyada artıq məni unudublar. Ona görə qələbə qazanmaqla, özümü yada sala bilərəm. Mənimlə bağlı heç bir problem yoxdur. Mən öz seçimimi etmişəm. Qərarımda qətiyəm. Azərbaycan yığmasının şərəfini qorumaq istəyirəm.
- Cari mövsüm “Baku Fires”in heyətində çıxışını necə qiymətləndirirsən?
- Fikrimcə, hər şey normaldır. Sadəcə İtaliya komandası ilə səfər görüşündə yaxşı çıxış etmədim. Həmin gün bilmirəm, mənə nə olmuşdu. Gücümü göstərə bilmədim. Digər görüşlərim zamanı qələbə qazanmağı bacarmışam. Əgər “Baku Fires”lə dünya çempionu olsaq, onda mövsümün əla alındığını deyə bilərəm.
