Topazdan AÇ-2012 ilə bağlı mətbuat xülasəsi
11 oktyabr 2011 14:25
Çərşənbə axşamı 11 oktyabr tarixində, AÇ-2012 kuboku uğrunda Almaniya və Belçika komandaları arasında keçiriləcək qarşılaşma günün ən maraqlı və cəlbedici oyunu olacaq.
Çox güman ki, belçikalılar turnir cədvəlində irəli çıxmaq üçün Almaniya komandasına qalib gəlməli olacaqlar. Belçika komandasının baş məşqçisi komandanın şansı olduğunu bildirir və öz komandasından bu olduqca çətin, hətta qeyri-mümkün tapşırığın öhdəsindən gəlməyi xahiş edir.
Cümə günü Belçika milli komandasında öz 23-cü oyunu zamanı ilk qolunu vurmuş yarımmüdafiəçi Eden Azar da məşqçinin bu fikri ilə razıdı.
Düsseldorfda keçiriləcək bu oyunda Almaniya yığmasının yarımmüdafiəçisi Mario Getse meydançaya çıxmayacaq və çox ehtimal ki, dizində problemi olan hücumçu Miroslav Kloze də oyunu kənardan izləməli olacaq və bu, belçikalıların vəziyyətini bir qədər yüngülləşdirə bilər. Lakin bunun əvəzində almaniyalı yarımmüdafiəçilər Toni Kroos və Mesut Özil heyətə qayıtmalıdırlar.
Həmin gün keçirilən qarşılaşmalar arasında ikinci maraqlı oyun Danimarka və Portuqaliya yığmalarının görüşü olacaq. AÇ-2012 seçim mərhələsinin yekun matçında Danimarka yığması 8 oktyabr 2010-cu ildə keçirdiyi səfər oyununda 3:1 hesabı ilə məğlubiyyətə uğradığına görə bu dəfə doğma “Parken” stadionunda portuqaliyalılardan qisas almağa cəhd göstərəcək.
Bu vaxta qədər Danimarka və Portuqaliya yığmaları yaşıl meydançada 11 dəfə qarşı-qarşıya gəliblər. Skandinaviyalıların hesabında iki qələbə, iki heç-heçə və yeddi məğlubiyyət var. Danimarkalılar isə doğma divarlar arasında cəmi bir dəfə qələbə sevinci yaşayıblar, qalan görüşlərdə isə meydançanı iki dəfə heç-heçə hesabı ilə, üç dəfə isə məğlub kimi tərk ediblər.
Bu idman bəhsində hamıya bol şanslar arzu edirik!
