16 may 2012 19:48
İngiltərənin AÇ-2012 heyəti açıqlandı
Futbol üzrə İngiltərə yığmasının Polşa və Ukraynada keçiriləcək Avropa çempionatının final mərhələsinə gedəcək ilkin heyəti açıqlanıb. Azerisport.az xəbər verir ki, baş məşqçi Roy Hocson birbaşa 23 futbolçunun adını açıqlayıb.
Lakin onun mayln 29-dək bu heyətdə hansısa dəyişiklik etməsi istisna olunmur. Yekun “23-lüy”ün necə olacağı qarşıdakı hazırlıq prosesindən asılı olacaq.
Hocson irqçilik qalmaqalına görə kapitanlıqdan məhrum edilən Con Terrini heyətə cəlb edib. Əvəzində o, “Manchester United”in təcrübəli müdafiəçisi Rio Ferdinanda dəvət göndərməyib.
Qeyd edək ki, İngiltərə AÇ-2012-də Fransa, Ukrayna və İsveç ilə birgə D qrupunda yer alıb.
Qapıçılar: Robert Qrin (West Ham), Co Hart (Manchester City), Con Ruddi (Norwich City);
Müdafiəçilər: Leyton Baynes (Everton), Qari Keyhill (Chelsea), Eşli Kol (Chelsea), Qlen Conson (Liverpool), Fil Cons (Manchester United), Colen Leskott (Manchester City), Con Terri (Chelsea);
Yarımmüdafiəçilər: Qaret Barri (Manchester City), Stüart Douninq (Liverpool), Stiven Cerrard (Liverpool), Frank Lampard (Chelsea), Ceyms Milner (Manchester City), Skott Parker (Tottenham), Aleks Olksleyd-Çamberleyn (Arsenal), Teo Uolkott (Arsenal), Eşli Yanq (Manchester United);
Hücumçular: Endi Karroll (Liverpool), Ueyn Runi (Manchester United), Daniel Uelbek (Manchester United), Jermayn Defo (Tottenham).
