10 iyun 2012 12:54
UEFA Rusiyaya şok cəza verə bilər
UEFA Rusiyanı şərt şəkildə cəzalandıra bilər. Azerisport.az xəbər verir ki, buna səbəb rus azarkeşlərin Polşa və Ukraynada keçirilən AÇ-2012-də irqçiliyə və iğtişaşlara əl atması səbəb göstərilir.
Xəbər verdiyimiz kimi, Rusiya Avropa çempionatının açılış günündə Çexiya ilə üz-üzə gəlmişdi. Ruslar 4:1 hesabıyla qalib gəldikləri oyundan sonra Polşanın “Vroslav” stadionunun təhlükəsizlik xidmətinin əməkdaşları ilə əlbəyaxa döyüşə çıxmış, onlara və arenaya ciddi xəsarətlər yetiriblər. Hazırda Polşa polisi və UEFA baş verən olaylarla əlaqədar araşdırmalar aparır.
Rus fanatların bu xoşagəlməz hərəkətləri qonşu ölkəyə baha başa gələ bilər. Məsələ burasındadı ki, rusiyalı azarkeşlər oyun zamanı da “fərqlənməyi” bacarıblar. Belə ki, ruslar Çexiya millisinin qara dərili futbolçusu Teodor Gebre Selassie əleyhinə də irqçi hərəkətlərə yol veriblər.
Bütün bu olaylar səbəbindən UEFA-nın Rusiya Futbol İttifaqına sərt cəza verməsi gündəmdədi.
Bütün bu olaylar səbəbindən UEFA-nın Rusiya Futbol İttifaqına sərt cəza verməsi gündəmdədi.
