2 mart 2010 15:40
Saşa Yunisoğlu: Millidə indi ən güclülər oynayır
Azərbaycan yığmasının müdafiəçisi Azerisport.az-sa müsahibəsində milli komandadakı çıxışından və “Hauqesund”a mümkün keçidindən danışıb.
Saşa, çoxlarını indi bir sual maraqlandırır: Azərbaycan yığmasında yeni legioner görə biləcəyikmi?
Bilmirəm. Kimsə harsa keçir ki? (gülür)
Əslində, söhbət sizdən gedir – Norveç klubu “Hauqesund” sizin xidmətinizdə maraqlıdır.
Burada hər şey məndən asılı deyil. “Bakı”nın rəhbərliyi, baş məşqçisi var. Onların mövqeyi həlledici olacaq.
Amma “Bakı” elə onunla məşhurdur ki, komandada oynamaq istəməyən futbolçuların getməsinə mane olmur...
Heç nə deyə bilmərəm. Düzü, eşitmişəm ki, norveçlilərin baş məşqçisi Lüksemburqla matça mənim oyunuma baxmaq üçün gələcək. Əlbəttə, əgər meydançaya çıxsam.
Oynamaq şanslarınız necədir?
Bunu baş məşqçidən soruşmaq daha doğru olardı.
Müdafiənin mərkəzi yığma komandada ən çox rəqabət gedən mövqedir.
Razıyam. Bunda pis heç nə görmürəm. Rəqabət futbolçulara yalnız xeyir verir.
Əsas heyətdə yerinizi itirməkdən qorxmursunuz?
Olmayan şeyi itirməkdən necə qorxmaq olar? Əgər öz mövqendə ən yaxşılardansansa, səni yenı yığmaya çağıracaqlar. Əks halda, millidən kənarda qalacaqsan.
Yığmanın bu heyəti ən güclüdür?
Sözsüz! Şübhəsiz, millidə indi ən güclü futbolçular oynayır.
Maraqlıdır ki, Vaqif Cavadov bizimlə söhbətdə Stiv Maklareni Azərbaycan yığmasının başında görmədiyini söyləyib. Bəs siz Bülənt Qorxmazı bu postda görürsüz?
Berti Foqts yığmanın, Bülənt Qorxmaz isə “Bakı”nın baş məşqçisi kimi məni tam qane edir. Belə də yazın.
