Ruslan Abışov: Rəqibin gücündən asılı olmayaraq, yaxşı oynamalıyıq

Azərbaycan yığmasının və Neftçinin gənc müdafiəçi Azerisport.az-a müsahibəsində bildirib ki, Lüksemburq görüşdə ən vacibi yaxşı oyun göstərməkdir.

 

 

Lüksemburqla qarşıdakı oyun barədə nə fikirləşirsiniz?

Çox sadə: yaxşı oynasaq, nəticə də olacaq.

 

Azərbaycan yığmasına bunu heç də həmişə aid etmək olmaz.

Razıyam, amma istənilən halda, yaxşı oynamalıyıq. Rəqibin kimliyindən asılı olmayaraq. Hər halda, Lüksemburq ötən seçmə mərhələdə səfərdə İsveçrəni məğlub edib. Matçın statusuna da diqqət yetirmək lazım deyil. Hər qələbə futbolçunun öz gücünə inamını artırır.

 

Hesab etmirsiniz ki, kifayət qədər çətin seçmə mərhələ ərəfəsində daha güclü komandalarla oynamaq daha yaxşı olardı?

Lüksemburq Almaniya və ya Avstriya deyil, amma biz öz oyunumuza diqqət yetirməliyik. Nə qədər tez-tez toplaşsaq, bir yerdə çox olsaq, bir o qədər xeyirlidir. Yoldaşlıq oyunları zamanı xətlərarası əlaqəni yaxşılaşdırmalı, qarşılıqlı anlaşmanı yüksək səviyyəyə gətirməliyik. Yalnız bu halda seçmə mərhələyə hazırlıqlı başlaya bilərik.

 

Oyundan əvvəl Berti Foqts əlavə nəsə deyib?

Elə mənim sizə dediklərimi. Onun üçün də bizim ifamızda yaxşı oyun izləmək çox vacibdir.

 

Sonuncu seçmə mərhələni uğurla başa çatdırdıqdan sonra azarkeşlər yığmadan daha çox şey gözləyir. Onları məyus edəcəyinizdən qorxmursunuz ki?

Bunu istəməzdik, çünki dolu tribunalar həmişə futbolçulara əlavə güc verir. Buna görə də əlimizdən gələn hər şeyi edəcəyik ki, onlar məyus olmasın.

 

Gəlin, “Neftçi”yə də toxunaq.

(kədərlə gülümsəyir)

 

Komandada yenidən baş məşqçi dəyişikliyi baş verib. Bu, futbolçulara necə təsir göstərəcək?

Bizim üçün Vaqif Sadıqovun getməyi gözlənilməz oldu. Amma irəli baxmalı və “altılıq” barədə düşünməliyik.

 

Sadıqov istefadan sonra sərt ifadələr işlətməsə də, onun sözlərindən futbolçulardan narazı olduğu duyulurdu.

Onun kimdən narazı olduğunu bilmirəm. Şəxsən mən baş məşqçinin bütün tapşırıqlarını yerinə yetirməyə çalışırdım. Bundan sonra da, kimin rəhbərliyi altında oynamağımdan asılı olmayaraq, belə olacağam.