4 mart 2010 01:02
Aşağı səviyyəli qələbə (YENİLƏNDİ)
Bu gün Bakı vaxtı ilə saat 23:00-da Azərbaycan yığması 2010-cu ildə ikinci oyununa çıxdı. Azerisport.az xəbər verir ki, komandamızın bu dəfəki rəqibi də dünya futboluna demək olar ki, heç nə ilə iz qoymamış Lüksemburq oldu.
Kifayət qədər maraqsız keçən qarşılaşma yığmamızın 2:1 hesablı qələbəsi ilə başa çatdı. Hər üç qolun vurulduğu birinci hissədən fərqli olaraq, ikinci yarıda Berti Foqtsun yetirmələri hesabı qorumaqla məşğul oldular və istəklərinə çatdılar. Amma belə qələbə bizə lazımdırmı?
LÜKSEMBURQ – AZƏRBAYCAN 1:2
Qollar: Quliyev, 27 (0:1), Ştrasser, 33 (1:1), Məmmədov, 36 (1:2)
3 mart. Lüksemburq. «Joze Bartle» stadionu. 500 tamaşaçı. Referi: Kari Petteri (Finlandiya)
Lüksemburq: Juber, Blez, Şnell, Ştrasser (k), Peters, Kintsiger (Martino, 64), Hoffman (Payal, 67), Yanisen, Mutç, Betner (da Mota, 54), Kitinqe
Azərbaycan: Kamran Ağayev (Fərhad Vəliyev, 21), Rail Məlikov, Rəşad Sadıqov (k), Ruslan Abışov, Maksim Medvedev, Mahir Şükürov, Samir Abbasov, Aleksandr Çertoqanov (Saşa Yunisoğlu, 46), Rauf Əliyev (Fabio Luis, 56), Elvin Məmmədov, Fərid Quliyev
