Mahir Şükürov: Spartakla oyuna hazıram

Azərbaycan yığmasının müdafiəçisi Mahir Şükürov azerisport.-az-a müsahibə verib.

 

 

Lüksemburqla oyundan təəssüratlarınızı bilmək maraqlı olardı.

Təəssüratlarım ziddiyyətlidir. Qalib gəldik, amma oyunumuz tam alınmadı.

 

Deməli, Berti Foqts futbolçuların onun ümidlərini doğrultmadığını bildirəndə həqiqəti deyib?

Tamamilə. Öz oyunumu bəyənmədim. Çox səhvlər buraxırdım.

 

Səbəb nədir? Yol yorğunluğu?

Yox. Səbəb başqadır. İş orasındadır ki, “Anji”də bir qədər başqa mövqedə çıxış edirəm. Omari Tetradze məni müdafiədə görür, Foqts isə bütün cinah boyu oynamağımı istəyir. Uyğunlaşmaq bir qədər çətindir. Amma çalışıram, çünki həm klubda, həm də yığmada oynamaq istəyirəm.

 

Yeri gəlmişkən, baş məşqçi sizin heç də pis formada olmadığınızı söyləyib.

“Anji”də artıq tam sürətlə Rusiya çempionatına hazırlaşırıq. İlk oyunda Nalçik “Spartak”I ilə görüşürük. Qafqaz derbisi. Bu oyunu səbrsizliklə gözləyirəm. Amma ondan əvvəl bizi azarkeşlərlə görüş də gözləyir.

 

“Anji”yə tam öyrəşə bilmisinizmi?

Son 4 yoxlama görüşündə 90 dəqiqə oynamışam. Deməli, bu istiqamətdə irəliləyiş var.

 

Yığmamız AÇ-2012-nin seçmə mərhələsini Almaniya və Avstriya ilə səfər, Türkiyə ilə isə ev oyunları ilə start verir. Bu, ən çətin başlanğıcdır?

Daha asan variantlar fikirləşmək mümkündür, amma onsuz da hamı ilə əvvəl-axır görüşməliyik. Ötən seçmə mərhələdə göstərdik ki, güclü komandalarla bərabər səviyyədə mübarizə apara bilərik. Yalnız bir dəfə böyük hesabla yenildik, onda da müəyyən amillərin təsiri oldu.

 

Kamran Ağayev dizini tutub yerə yıxılanda ağlınızdan nə keçdi?

Mənə elə gəldi ki, o ciddi zədə aldı. Amma sonra zədənin yüngül olduğunu öyrəndik. İstənilən halda, indi zədələr lazım deyil.