İnter Neftçini biabır etdi, Qarabağ Quzanlıda qalib oldu (YENİLƏNDİ)

Bu gün Azərbaycan kubokunun 1/4 final mərhələsin çərçivəsində daha 3 matç keçirildi. Azerisport.az xəbər verir ki, “Simurq” Zaqatalada “Olimpik-Şüvəlan”ı, “Qarabağ” Quzanlıda “Xəzər Lənkəran”ı, “Neftçi” isə “İnter”i qəbul etdi.

 

Dünən artıq bir oyun keçirilb. Tofiq Bəhramov adına stadionda “Standard”la qarşılaşan “Bakı” uzun müddət hesabda irəlidə olsa da, qələbəni qoruyub saxlaya bilməyib. Qonaqların futbolçusu Amiran Muciri hesabı bərabərləşdirib və sumqayıtlıların mərhələ adlamaq şanslarını artırıb.

 

Nəzərinizə çatdıraq ki, “Bakı” – “Standard” cütünün qalibi yarımfinalda “Neftçi” – “İnter” cütünün ən güclüsü ilə görüşəcək. Digər yarımfinalda isə “Simurq” – OŞ və “Qarabağ” – XL cütlərinin qalibi görüşəcək.

 

***

Böyük maraq doğuran matçda artıq hesab açılıb. “Qarabağ” – XL görüşündə qonaqlar ilk dəqiqələrdə təhlükəli hücumlar təşkil etməyə başladılar və bunun məntiqi nəticəsi kimi fərqlənməyi bacardılar. Lənkəranlılar yeni hücumçusu Emeka Opara qüvvətli zərbə ilə Fərhad Vəliyevi təslim etdi. Bundan sonra “Qarabağ” irəli atılsa da, fasiləyə qədər ciddi qol imkanı qazanmayıb.

 

İkinci hissəyə əzmlə başlayan "Qarabağ" artıq hesabı bərabərləşdirib. Rəşad Sadıqov yenə cərimə zərbəsini dəqiq yerinə yetirib.

 

Son dəqiqələrə qədər rəqibi güclü təzyiq altında saxlayan "Qarabağ" son saniyələrdə qələbə topunu vura bildi. XL-in albaniyalı müdafiəçisi Begirinin kobud səhvindən istifadə edən həmyerlisi Teli dəqiq zərbə ilə ağdamlılar qalibiyyət gətirib. "Qarabağ" - XL 2:1

 

 “Neftçi” – “İnter” görüşündə qonaqlar qalib gəldilər - 3:0. Qonaqların hücumçusu Poşkus 46-cı dəqiqədə fərqləndi. 73-cü dəqiqədə "bankirlər" daha bir dəfə fərqləniblər. Müdafiənin kubod səhvindən istifadə edən Odikadze komandasını bir qədər də rahatladıb. Son dəqiqələrdə qonaqlar mərhələ məsələsini həll ediblər. Poşkus bir daha fərqlənib: "Neftçi" - "İnter" 0:3.

Digər qarşılaşmada – “Simurq” – OŞ görüşündə hesab açılmayıb.

Cavab oyunların martın 16-17-də keçiriləcək.