Juninyo: Öz oyunumuzu göstərsək, bizə heç kim qalib gələ bilməz

Azerisport.az oxucularının versiyasına görə, Azərbaycanda fevral ayının ən yaxşı futbolçusu adını qazanan “Xəzər Lənkəran”ın yarımmüdafiəçisi Junior Osvaldo Martins müxbirimizin suallarını cavablandırıb.

 

 

Sorğunun qalibi adını qazanmanız münasibəti ilə sizi təbrik edirik!

Çox sağ olun ki, futbol böyük diqqət ayırırsınız. Mənə səs verən hər kəsə minnətdarlığımı bildirirəm. Sevincimi gizlətmirəm. Bu mənə və mənim komandama çox böyük hədiyyədir.

 

Qalib gələcəyinizi gözləyirdiniz?

Dostlarım mənə xəbər verdi ki, saytınız sorğu keçirir. Bir neçə dəfə sayta daxil oldum və nəticələrlə maraqlandım. Gördüm ki, liderəm. Amma, düzü, birinci yeri sona qədər əlimdə saxlayacağıma inanmırdım. Yekun nəticədə qalib gəldiyimi sizdəm eşitdim.

 

Sorğunun nəticələrinə görə böyük fərqlə güclü futbolçuları, məsələn, “Neftçi”nin hücumçusu Adrian Nyaqanı qabaqladınız.

Nyaqa Azərbaycanda çıxış edən ən təcrübəli legionerlərdən biridir. Ona qarşı oynamışam və nəyə qadir olduğunu bilirəm. Çox yaxşı futbolçudur və öz komandası üçün hər şey etməyə hazırdır. Fikrimcə, Nyaqa da namizədlər arasına düşdüyü üçün fevral ayında seçilib.

 

Sorğuda həmçinin Rəşad Sadıqov və Xaqani Məmmədovun da adları var idi...

Sadıqovu tanıtmağa gərək yoxdur. Yığmanın kapitanı və “Qarabağ”ın güclü müdafiəçisi. Onun oyununu bəyənirəm. Xaqani də fevral ayında bir neçə vacib qol vurub. Demək olar ki, hər oyunda fərqlənib. Məhz mənim qalib gəlməyimin səbəbini oxuculardan öyrənin. Onlar daha yaxşı bilirlər.

 

Sizi çempionatda və kubokda gərgin oyunlar gözləyir. Nə deyə bilərsiniz?

“Qızıl dubl” etmək istəyirik. Buna görə də kubokda “Qarabağ”ı keçməliyik. “Xəzər Lənkəran” öz oyununu göstərsə, ona qalib gəlmək mümkün deyil.

 

Əgər seçim etməli olsanız, nəyi götürərsiniz? Kubok, ya çempionluq?

Lazım gəlsə, seçim edərik. Mən çempionluq və kuboku götürərəm (gülür).