12 mart 2010 20:33
Rövnəq Abdullayev UEFA-da Mişel Platini ilə görüşüb (FOTO)
Bu gün İsveçrənin Nyon şəhərində UEFA-nın prezidenti Mişel Platini və AFFA-nın prezidenti Rövnəq Abdullayev arasında görüş keçirilib.
Azerisport.az xəbər verir ki, UEFA-nın baş katibi Gianni İnfantino, Milli Assosiasiyalar Departamentinin rəisi Teodor Teodoridis, AFFA-nın vitse-prezidenti Elşad Nəsirov və baş katib Elxan Məmmədovun iştirak etdiyi görüş barədə UEFA-nın rəsmi saytında yazı yerləşdirilib: «1994-cü ildən UEFA-nın üzvü olan Azərbaycan Futbol Federasiyaları Assosiasiyasına «Het-trik» proqramı çərçivəsində UEFA hərtərəfli yardım göstərir. Bu gün UEFA-nın qərargahında UEFA və AFFA rəsmiləri arasında görüşdə bu barədə söhbət aparılıb.
AFFA-nın prezidenti Rövnəq Abdullayev UEFA.com-a deyib: «Bu, mənim UEFA-nın qərargahına ilk səfərimdir və mənim üçün Avropanın futbol mərkəzinə - UEFA-nın qərargahına gəlmək şərəfdir».
UEFA və AFFA prezidentləri Azərbaycanda futbolun inkişafı, infrastrukturu və gələcək illər üçün starteji planları müzakirə ediblər.
Rövnəq Abdullayev deyib: «Bizim üç əsas prioteritetimiz var: Kütləvi futbol, təhsil və infrastruktur. Mən şadam ki, UEFA AFFA-nı nəinki texniki, həm də maliyyə cəhətdən dəstəkləyir. Heç şübhəsiz ki, UEFA-nın dəstəyi olmadan Avropada və digər milli assosasiyalarda futbol indiki kimi inkişaf etməzdi. Xüsusilə də Azərbaycan üçün UEFA-nın dəstəyi çox vacibdir. Son zamanlar futbol Azərbaycanda populyarlıq qazanıb, milli komandanın uğurları azarkeşlər arasında futbola marağı artırıb. Bizim vəzifələrimizdən biri futbolu daha da populyarlaşdırmaqdır. Bizim milli komandanın gələcəyi üçün strateji planımız var. Amma biz bilirik ki, milli komandanı inkişaf etdirmək üçün kütləvi futboldan başlamalıyıq, təhsilin səviyyəsini qaldırıb infrastrukturu inkişaf etdirməliyik. Biz öz vəzifələrimizi bilirik və gələcəyə baxışımız var» (AFFA).
