Foqts üçün daha bir müdafiəçi

“Simurq”un gənc müdafiəçisi Rasim Ramaldanov “Olimpik-Şüvəlan”la matçdan sonra azerisport.az-a açıqlama verib.

“Hər şeyi bəxt həll etdi. Rəqiblər səviyyəcə bərabər idilər. Hərçənd, bizim qol şansımız daha çox idi. Meydan sahiblərinin ikinci hissədə oyunu penaltilərə apardığı aşkar hiss olunurdu” – deyən Ramaldanov öz karyerası haqqında danışıb: “Cəmi üçüncü dəfədir ki, premyer liqada start heyətində yer alıram. Hələ bu oyunlarda qol buraxmamışıq. Bir az təcrübə yığmağa və bəzi keyfiyyətlərimi yaxşılaşdırmağa ehtiyac var. Amma belə davam etsəm, Azərbaycan yığmasına düşəcəyim gün uzaqda deyil. Ən böyük məqsədim də budur”.