Erməni ki, erməni, yaxud Amoyanın bəxti necə gətirdi?
Armsport.am saytı Ermənistan Milli Olimpiya Komitəsinin (MOK) bəyanatını dərc edib. Onun tam mətnini nəzərinizə çatdırırıq.
“MOK-un ən vacib strateji məqsədlərindən biri erməni idmançılarının reytinq yarışlarında iştirakını təmin etməkdir. Bu addım yaxınlarda Sinqapurda keçiriləcək Gənclərin Olimpiya oyunlarında daha çox idmançı ilə təmsil olunmaq üçün atılıb.
Aprelin 13-18-i aralığında Bakıda keçiriləcək güləş üzrə Avropa çempionatı reytinq yarışı olmadığından, MOK güləşçilərin bu yarışa qatılmaması ilə bağlı qərar verib.
Yunan-Roma güləşi üzrə Ermənistan yığma komandası Yerevanda keçirilən Dünya Kuboku yarışlarında uğurlu nəticədən sonra Moskvada baş tutacaq qarşıdakı dünya çempionatına hazırlığa başlayıb” – deyə bəyanatda bildirilib.
Azerisport.az xəbər verir ki, ilk baxışdan idman xarakterli, siyasətdən uzaq təsiri bağışlayan bu bəyanatda maraqlı məqamlar tapmaq olar. Məsələn, dünən Ermənistan Güləş Federasiyası AÇ-dən imtinanı DÇ-yə daha yaxşı hazırlaşmaq məqsədi ilə əlaqələndirmişdi. Bu gün isə MOK hansısa reytinqdən danışır.
Əslində isə bu addım nə reytinq, nə də DÇ ilə bağlıdır. Sadəcə, Ermənistan idmançıları Azərbaycana gəlib məğlubiyyətlə üzləşməkdən qorxurlar. Hər halda, hər bir idmançının həyatında mühüm hadisələrdən olan Avropa birinciliyindən imtina ilə bağlı başqa səbəblərin gətirilməsi çox gülməli görünür. Məgər, bu yarışda iştirak edəcək Azərbaycan və ya, məsələn, Ukrayna güləşçiləri Dünya çempionatında da uğur qazanmaq istəmirmi? Bu iki yarışın bir-birinə hansı maneçiliyi ola bilər? Bu suala güləş mütəxəssislərinin cavab verməsi daha düzgün olardı, amma bir nüfuzlu yarışın digər nüfuzlu yarışa hazırlığa mane olduğunu ilk dəfə ermənilərdən eşitdik.
Digər tərəfdən, erməni ki, erməni. Onların belə gülünc bəyanatlarına öyrəncəliyik.
Amma bu işdə ən çox Rövşən Bayramovla prinsipial mübarizəsi olan Roman Amoyanın bəxti gətirdi. Hər halda, AÇ-dən sonra şəxsi duellərdə hesabın 6:1 pəhləvanımızın xeyrinə olacağına heç kəs şübhə etmirdi. Elə Amoyan özü də…
