Zaqatalada darmadağın, Sumqayıtda inanılmaz qələbə (YENİLƏNDİ)
Bakı vaxtı ilə saat 15:00-da “Unibank” Premyer Liqasının 24-cü turu üç oyunla start götürür.
Azerisport.az xəbər verir ki, Zaqatalada Simurq Olimpik-Şüvəlanı, Yevlaxda Karvan Muğanı, Sumqayıtda isə Standard Turanı qəbul edir.
Simurq - OŞ 0:3
İkinci "altılığ"ın liderlərinin duelində Simurq biabır olmaq üzrədir. Artıq birinci hissədə OŞ düz 3 dəfə rəqiblərinin qapısını məyus edib! Simurq tarixində ilk dəfədir ki, bir hissədə 3 top buraxır. Qonaqların qollarına Viktor İbekoi, Alves dos Santos və Anatoli Doroş imza atıblar.
OŞ səfərdən böyükhesablı qələbə ilə döndü
Standard - Turan 2:3
Sumqayıtda keçirilən qarşılaşmada hesab açılıb. Samir Zərgərov 60-cı dəqiqədə meydan sahiblərini irəli çıxarıb.
Standardın uzun müddət sürən üstünlüyünə rəğmən, Turan inanılmazı gerçəkləşdirərək, qələbə qazanıb - 3:2! Sumqayıt komandasının ikinci qoluna 74-cü dəqiqədə Amiran Muciri imza atıb. Qonaqlardan isə 72 və 82-ci dəqiqələrdə Nadir Nəbiyev, əlavə edilmiş vaxtda isə Kolavole fərqlənib.
Karvan - Muğan 0:0
Digər görüşdə tərəflər fərqlənə bilməyiblər.
