Növbəti danışılmış oyun (FOTO)

UEFA Kievo və Kataniya arasında İtaliya çempionatının 29-cu turunun oyunu ilə bağlı araşdırmaya başlayıb. Azerisport.az İtaliya mətbuatına istinadla xəbər verir ki, Avropa Futbol İttifaqı bu oyunun danışılmış olmasından şübhələnir.

Qeyd edək ki, oyun günü səhər saatlarından başlayaraq bukmeker kontorlarında matçın heç-heçə başa çatacağının əmsalı sürətlə azalaraq, 3,20-dən 1,65-ə düşüb. Nəticədə Britaniya kontorların bu matça proqnozların qəbulundan imtina ediblər.

Maraqlıdır ki, matç elə 1:1 hesab ilə də başa çatıb. Qollar ikinci hissənin ortalarında 10 dəqiqəlik intervalla vurulub.