25 mart 2010 14:46
Anatoli Ponomaryov: Orduspor Superliqaya çıxmaq üçün vuruşacaq
Türkiyə Bank Asya 1-ci liqasında mübarizə aparan Ordusporun futbolçusu Anatoli Ponormaryov azerisport.azın müxbiri ilə söhbətdə bildirib ki, komandası növbəti mövsümdən Superliqaya çıxmaq üçün mübarizə aparacaq.
“İşlərim çox yaxşı gedir. Hər oyun start heyətində yer alıram. Məşqçi heyəti, rəhbərlik məndən razıdır. Orduspor rəhbərliyi daha bir neçə azərbaycanlı futbolçu transfer etməyin əleyhinə deyil. Bilmirəm, futbolçular oynamaq naminə bura gəlmək istəyərmi? Hər halda, evdə də bu qədər qazana bilərlər. Amma Türkiyə birinci liqası bizim premyer liqadan heç nə ilə geri qalmır, hətta oyunların sürətinə və baxımlılığına görə onu üstələyir. Hər şey də ona görə ki, burada meydançalar yüksək səviyyədədir.
Ordusporda indi yaxşı kollektiv formalaşıb. Birinci liqada qalmaq istəyirik. Növbəti mövsümdən superliqaya çıxmaq uğrunda mübarizə aparacağıq. Yayda komanda çox dəyişəcək.
Milli komandaya dönmək istərdim. Yəqin Berti Foqtsa mənim Türkiyədə əsas heyətdə çıxış etdiyi deyiblər” – deyə Ponomaryov bildirib.
