Qurban Qurbanov: Futbolçular Elnurun komandaya qayıtması üçün xahiş etdilər

Qarabağın baş məşqçisi Qurban Qurbanov Elnur Allahverdiyevin yenidən məşqlərə başlamasının səbəblərini açıqlayıb. Azerisport.az bildirir ki, bu heç də futbolçunun bağışlanması ilə əlaqədar deyil.

“Bəli, Elnur heç də xoş olmayan hərəkət etmişdi. Amma o sonradan səhvini başa düşdü.  Problemlərinin olduğunu dedi və hər kəsdən üzr istədi. Futbolçular da Elnurun komandaya qayıtması üçün xahiş etdilər. O, mövsümün sonuna qədər komandada qalacaq. Milli üzvü olmasını da nəzərə aldıq. Yığmanın futbolçunun milliyə fayda verməsi üçün formada qalması lazımdır. Belə məqamda Elnurun milli karyerasına zərbə dəyə bilərdi. Təbii ki, hər kəsin statusu eynidi. Elnurun məşqlərə qoşulması o demək deyil ki, o, mütləq start heyətində meydana çıxacaq. Ən azından daha artıq çalışıb, fomrasını bərpa etməlidi. Müdafiəçi klubdan pul qazanır və bunun qarşılığını ödəməlidi. Mövsümün sonuna kimi Elnur bizimlə qalacaq. Sonrasını mövsüm başa çatdıqdan sonra danışarıq” – klubun rəsmi saytına müsahibəsində Qurbanov belə deyib.