Zidan futbola qayıdır

Realın və Fransa yığmasının əfsanəvi futbolçusu Zinəddin Zidan hələ ki, özünü məşqçi kimi görmür. Azerisport.az xəbər verir ki, bununla belə, o “Kral klubu”nun sükanı arxasına keçəcəyini istisna etmir.

“Hələ ki, Realı çalışdırmağa hazır deyiləm. Görək, gələcəkdə nə olacaq. Bəlkə də bu baş verdi. Kluba xeyir verməyi çox istərdim. Lakin Florentino Peresin fikirlərinin tam həyata keçməsi üçün müəyyən qədər vaxta ehtiyac var. Düzünü desəm, komandaya bir qədər yaxın olmaq, daha yüksək səlahiyyətlərə malik olmaq istərdim” – deyə “Marca” qəzetinə müsahibəsində Zidan bildirib.

Xatırladaq ki, keçmiş futbolçu hazırda klub prezidenti Florentino Peresin məsləhətçisi funksiyasını daşıyır.