Barselonada Azərbaycan izi (VİDEO)
Bir müddət öncə Xəzər Lənkəranla 5 illik müqaviləyə imza atan Cem Felek dünya nəhənglərindən olan Barselonayla ilkin müqaviləyə imza atıb.
Azerisport.az XL klubunun rəsmi saytına istinadla xəbər verir ki, hələ 14 yaşı tamam olmamış gənc istedad hazırda icarə əsasında Almaniya Ayntraxtının şərəfini qoruyur. Səkkiz dəfə Almaniyada qol krallığı yaşayan və karyerası ərzində 1185 qola imza atan Cem az qala bütün top-klubların diqqət mərkəzində olsa da, Barselonanı daha üstün tutub.
Cemi istanbula dəvət edərək onunla şəxsən görüşən “Palmali” Şirkətlər Qrupunun prezidenti və Xəzər Lənkəranın fəxri prezidenti gənc istedada hər cür maddi və mənəvi dəstək verəcəyini, onun “Barsa”da özünü isbatlayacağına əmin olduğunu bildirib.
Onu da qeyd edək ki, transfer hüququ Xəzər Lənkərana məxsus olan gənc “qol maşını”nı həm Azərbaycan, həm Türkiyə, həm də Almaniya millisi heyətində görmək arzusundadır.
