Rail Məlikov: Xəzər azarkeşlərinə Neftçinin gözəl oynaması yer etdi
Neftçinin və Azərbaycan yığmasının müdafiəçisi Rail Məlikov XL – Neftçi görüşündə qalmaqal yaradan lənkəranlı azarkeşləri tənqid edib.
“Bu, derbi oyunu idi, belə halların yaşanması adi haldır. Xəzər azarkeşləri komandalarının məğlub olmasını sevmir. Onlara yer edən o idi ki, Neftçi gözəl futbol nümayiş etdirirdi. Amma azarkeşlərin bizə nə üçün daş atdığını anlamaq olmur. Bu mənə pis təsir elədi. Millinin heyətində Lənkəranda oyuna çıxmışam. Həmin azarkeşlər bizi ayaq üstə alqışlayıb. Kimlərə görəsə niyə biz – yığma üzvləri əziyyət çəməliyik? Legionerlər baş verənləri görürdü. Sabah deməzlər ki, Raili, Ruslanı öz azarkeşləri təhqir etdi? Bəs daş bizim başımıza dəysəydi? Yenə özümüz itirəcəkdik. Ağlı başında olan belə hərəkət etməz” – azerisport.az xəbər verir ki, “Futbol+” qəzetinə müsahibəsində Məlikov belə deyib.
