XL cəzalarla barışıb

Xəzər Lənkəranın vitse-prezidenti Tuyqun Nadirov klubun rəsmin saytına bildirib ki, verilən cəzalarla bağlı Appelyasiya Komitəsinə müraciət etməyəcəklər.

“Düzü, baş məşqçimiz Ağasəlim Mircavadovun, stadionumuzun direktoru Höccət Hacıyevin cəzalarının azaldılması, oyunun rəsmi protokolunda adı hallanmayan mətbuat katibi Tural Əsgərovun cəzasının ləğv olunması xahişi ilə Appelyasiya Komitəsinə müraciət etmək fikrimiz vardı. Lakin sonra nəzərə aldıq ki, bizim əsas məqsədimiz stadionumuzu sanksiyalardan qorumaq və oyunlarımızı azarkeşlərsiz keçirmək cəzasıyla üzləşməmək idi. Üzləşdiyimiz sanksiyalarla bağlı klub daxilində də iclas keçirdik və hamı, o cümlədən cəzalananlar da razılaşdı ki, ümumilikdə götürəndə belə güzəştli qərardan sonra appelyasiya vermək düzgün olmazdı. Əsas odur ki, bizi azarkeşlərimizdən ayırmadılar. Nəticədə klub prezidenti Mais Mənsimov qərar verdi ki, Appelyasiya Komitəsinə müraciət etməyək” – azerisport.az xəbər verir ki, Nadirov belə deyib.