Emin Ağayevin komandası Rusiya kubokunu qazanmaq istəyir

Rusiya çempionatının ikinci divizionunda mübarizə aparan Tverin Volqa klubunun baş məşqçisi Rusiya kubokunda qalib gəlmək istədiklərini gizlətməyib. Azerisport.az xəbər verir ki, Emin Ağayevin komandasının 1/4 finalda rəqibi... Zenit olacaq.

“Əlbəttə, rəqibin gücünü təsəvvür edirəm və reallıqla yaşayıram. Amma kubok kimi turnirdə hər şey mümkündür. 2004-cü ildə mən Terekə oynadığım vaxt kuboku qazanmaqla bunu sübut etmişdik. Qarşıdakı oyunda heç də qapımıza sıxılıb müdafiə olunmaq fikrimiz yoxdur. Əksinə, biz heç vaxt belə primitiv futbol sərgiləmirik” – deyə Bokov Rusiya mətbuatına müsahibəsində bildirib.

Qeyd edək ki, Zenit – Volqa matçı aprelin 7-də Sankt-Peterburqun “Petrovski” stadionunda baş tutacaq.