3 aprel 2010 00:34
Qarabağ üçün qisas şansı
Günün mərkəzi qarşılaşması ən gec başlanan oyun olacaq. Bir neçə gün əvvəl üst-üstə 35 min manat cərimə alan, baş məşqçisini 4 oyunluq itirən Xəzər Lənkəran özü kmi problemlər içində olan, lakin çətinlikləri sırf oyunla bağlı olan Qarabağı qəbul edəcək. Bu komandalar sonuncu duelində – Azərbaycan kubokunun 1/4 finalının cavan görüşündə kiçik qalmaqal yaşanmış, iki futbolçusu qırmızı vərəqə alan Qarabağ baş hakim Vüsal Əliyevdən narazı qalmışdı.
Həmin görüş, xatırladaq, 1:0 hesabı ilə XL klubunun xeyrinə başa çatmışdı. Bu hesab lənkəranlıları yarımfinala çıxarmışdı (ilk matç – 1:2).
İlk baxışdan, turnir cədvəlinin yuxarısındakı 6 komanda arasında ən zəifləri hesab olunan Neftçi ilə Qəbələnin dueli də maraqla gözlənilir. Hər iki kollektiv son vaxtlar oyununu tapıb və iki turda 4 xal qazanıb. Bu görüş həm də gənc azərbaycanlı məşqçilər – Arif Əsədovla Ramiz Məmmədovun mübarizəsi kimi əlamətdardır.
İkinci “altılıq”da isə heç nəyə iddiası qalmayan Simurq Muğanı, Olimpik-Şüvəlan isə Turanı qəbul edəcək.
“Unibank” Premyer Liqası
26-cı tur
3 mart
16.00. Neftçi – Qəbələ
16.00. Simurq – Muğan
16.00. OŞ – Turan
18.00. XL – Qarabağ
4 mart
16.00. İnter – Bakı
16.00. Karvan – Standard
